MNP - ဧပြီ ၂၈
မြန်မာ့လယ်ယာဖွံ့ဖြိုးရေးဘဏ် ကျိုက်ထိုမြို့နယ်ဘဏ်ခွဲမှ မိုးရာသီစိုက်ပျိုးစရိတ် ချေးငွေများ ကို ၂၀၂၂ ခုနှစ်မေလ (ပထမ) အပတ်မှစတင်ကာ ထုတ်ချေးပေးသွားမည် ဖြစ်သည့်အတွက် ၂၀၂၀ ခုနှစ် မိုးရာသီချေးငွေနှင့် ဆောင်းရာသီချေးငွေများကို ပြန်လည်ကောက်ခံလျက်ရှိကြောင်း သိရသည်။ ကိုဗစ် - ၁၉ ရောဂါကာလများ၌ ရပ်ကွက်ကျေးရွာ အုပ်စုများရှိတောင်သူများမှ ချေးယူထားသည့် ချေးငွေများသတ်မှတ်ကာလအတွင်း အချိန်မီပေးသွင်းနိုင်ရန် မြန်မာ့လယ်ယာ ဖွံ့ဖြိုးရေးဘဏ် ကျိုက်ထိုမြို့နယ် ဘဏ်ခွဲမန်နေဂျာ ဦးသန်းထွန်းနှင့် လယ်ယာမြေစီမံ ခန့်ခွဲမှု အဖွဲ့တွင် ပါဝင်သောဌာနများ၊ ရပ်ကွက် /ကျေးရွာအုပ်စု အုပ်ချုပ်ရေးမှူးများမှ စိုက်ပျိုးစရိတ် ချေးငွေများ၊ ရာခိုင်နှုန်းပြည့်မီအောင် ကောက်ခံလျက်ရှိကြပြီး စိုက်ဧက အမှန်စာရင်းကိုလည်း ကောက်ခံလျက်ရှိကြောင်း သိရသည်။
ယင်းသို့ ကောက်ခံရာတွင် ပြန်လည်ပေးဆပ်ပြီးသော တောင်သူများအား ၂၀၂၂ ခုနှစ် မိုးရာသီစိုက်ပျိုးစရိတ် ထုတ်ချေးပေးသွားမည်ဖြစ်ကြောင်း သိရသည်။
သတင်း - ဝင်းမောင်
မြန်မာနေရှင်နယ်ပို့စ်
No comments:
Post a Comment