MNP ၊ ဧပြီ ၂၅
ရခိုင်ပြည်နယ် ၊ မောင်တောမြို့နယ် မှိုဝင်ရွာအနီးပင်လယ်ပြင်၌ သစ်(၃၀)တန်ခန့် တင်ဆောင် လာသော တရားမဝင် သစ်မှောင်ခိုလှေတစ်စီးအား ဧပြီ ၂၄ ရက် (၀၇:၀၀)နာရီအချိန်ခန့်က ဖမ်းဆီး ရမိခဲ့ ကြောင်း သိရသည်။
ဖြစ်စဉ်မှာ လုံခြုံရေးတပ်ဖွဲ့ဝင်များ ပူးပေါင်းအဖွဲ့သည် ငါးမန်းလှေတစ်စီး ၊ ဖိုက်ဘာလှေ တစ်စီးတို့ဖြင့် တိုက်ကင်းလှည့် တာဝန် ထမ်း ဆောင်နေစဉ် မှိုဝင်ချောင်းအနီးပင်လယ်ပြင်အနီးအရောက်တွင် မသင်္ကာဖွယ် လှေ ၁ တစ်စီးအား တွေ့ရှိ၍ အချက်ပြခေါ်ယူရာ လာရောက်ခြင်းမရှိဘဲ ပြန် လှည့်၍ အရှေ့ဘက်သို့ ထွက်ပြေး သဖြင့် လိုက်လံဖမ်းဆီးရာ အဆိုပါလှေမှာ သောင်ခုံတွင် ကမ်းထိုး၍ လှေပေါ်ပါလာသူ တရားခံများ ထွက်ပြေး သွားပြီး လှေအားစစ်ဆေးရာ တရားဝင် စာရွက်စာတန်း တစ်စုံတစ်ရာမပါရှိဘဲ အမည်မရှိ တရားမဝင် သစ်မှောင်ခိုလှေ (အလျား ၆၀ ပေ ၊ အနံ ၁၅ ပေ ၊ ရေစူး ၄ ပေခန့်) သစ်သားကိုယ်ထည်၊ စက်မကြီး MITSUBJSHI (၆)လုံးထိုး ၊ HP-250 (ဂီယာ ဘောက်စ် နှင့် တွဲ လျက် ၁လုံး) သစ်မှောင်ခိုလှေ ၁ စီးအား သစ်ခွဲသားဆိုဒ်စုံ ၃၀ တန်ခန့် အား တရားခံမဲ့ ဖမ်းဆီးရမိခဲ့ကြောင်း သိရသည်။
သတင်း - ဝေလ(မောင်တော)
https://t.me/MyanmarNationalPost
No comments:
Post a Comment