MNP ၊ ဧပြီ ၁၇
ရခိုင်ပြည်နယ်၊ သံတွဲခရိုင်၊ ဂွမြို့နယ်တွင် မြို့ပေါ်ရပ်ကွက်များနှင့် ကျေးရွာများတွင် နှစ်ဆန်းတစ်ရက်နေ့၌ မြန်မာနှစ်ဦး ကောင်းမှုကုသိုလ်များ အစဉ်အလာမပျက် ပြုလုပ်လျက်ရှိကြောင်း သိရသည်။
ဂွမြို့နယ်တွင် မြို့ပေါ်ရပ်ကွက်များနှင့် ကျေးရွာများ၌ အစဉ်အလာမပျက် နှစ်ဆန်းရက်မြတ်အခါသမယတွင် မြန်မာ့ရိုးရာယဉ်ကျေးမှု နှစ်ဦးကောင်းမှုကုသိုလ်အဖြစ် ဘုရားများ ရေသပ်ပယ်ခြင်း၊ သံဃာတော် အရှင်သူမြတ်များအား ဆွမ်းချက်၊ ဆွမ်းကပ်၊ ဆွမ်းလောင်း/ဆွမ်းဆန်စိမ်းလောင်း ကုသိုလ်ပြုခြင်း၊ ဘုရားကျောင်းကန်ဇရပ်များတွင် ဥပုသ်သီတင်းသီလ ဆောက်တည်ခြင်း၊ သက်ကြီးဘိုးဘွားများအား ကန်တော့ခြင်း၊ ရေတွင်းရေကန်တူးဖော်ခြင်း၊ ညောင်ရေသွန်းလောင်းခြင်း၊ စုပေါင်းသန့်ရှင်းရေး ကုသိုလ်ပြုခြင်း၊ အလှူအတန်းနှင့် စတုဒီသာများ ကျွေးမွေးခြင်းများကို ပြုလုပ်လျက်ရှိကြောင်း သိရသည်။
သတင်း - ရွှေရည်ဝင်းကျော်
https://t.me/MyanmarNationalPost
No comments:
Post a Comment