MNP - ဧပြီ ၄
ရခိုင်ပြည်နယ်၊ ရမ်းဗြဲမြို့နယ်အတွင်းရှိ တက္ကသိုလ်ဝင်စာမေးပွဲကို စာစစ်ဌာန (၁၀)ခုတွင် ယနေ့ နံနက် ၉ နာရီအချိန်က ဓါတုဗေဒဘာသာရပ်ကို ကျောင်းသား/ကျောင်းသူ (၁၁၆၈)ဦး ဝင်ရောက် ဖြေဆိုကြသည်။
ရမ်းဗြဲမြို့နယ်အတွင်းရှိ ၂၀၂၂-ခုနှစ်၊ တက္ကသိုလ်ဝင်စာမေးပွဲကို ဝင်ရောက်ဖြေဆိုရန်အတွက် ကျောင်းသား/ကျောင်းသူ (၁၂၅၈)ဦး စာရင်းပေးသွင်းထားရှိခဲ့ရာ ယနေ့ဝင်ရောက်ဖြေဆိုသူ၊ ကျောင်းသား (၄၅၅)ဦး၊ ကျောင်းသူ ( ၇၁၃ ) ဦးဝင်ရောက်ဖြေဆိုကြသည့်အတွက် စုစုပေါင်းစာမေးပွဲ
ဖြေဆိုသူ (၁၁၆၈)ဦးရှိခဲ့ရာ ဖြေဆိုသူရာနှုန်း( ၉၂.၈၅ )ရှိပြီး၊ ပျက်ကွက်သူ (၉၀)ဦး ရှိသောကြောင့် ပျက်ကွက်သူရာနှုန်း (၇.၁၅ )ရှိပါသည်။
တက္ကသိုလ်ဝင်စာမေးပွဲကို ကျောင်းသား/ ကျောင်းသူများ အေးချမ်းစွာဖြေဆိုနိုင်ရေးအတွက် မြို့နယ်စီမံအုပ်ချုပ်ရေး အဖွဲ့ဥက္ကဋ္ဌ၏ ကြီးကြပ်ဆောင်ရွက်မှုဖြင့် မြန်မာနိုင်ငံရဲတပ်ဖွဲ့ဝင်များ၊ မီးသတ်တပ်ဖွဲ့ဝင်များနှင့် ဌာနဆိုင်ရာများမှ ပူးပေါင်းဆောင်ရွက်ပေးလျက်ရှိပြီး ကျန်းမာရေးဝန်ထမ်းများမှလည်း ကိုဗစ်ရောဂါ ကာကွယ်ရေး စည်းကမ်းချက်များနှင့် အညီ ကျန်းမာရေး စောင့်ရှောက်မှုများ ဆောင်ရွက်ပေးလျက်ရှိကြောင်း သိရသည်။
သတင်း - အောင်နိုင်
မြန်မာနေရှင်နယ်ပို့စ်
No comments:
Post a Comment