MNP - ဧပြီ ၂၆
ကျောက်ဆည်ခရိုင် တံတားဦးမြို့နယ်မှ ခရီးသွားပြည်သူများနှင့် ဒေသခံပြည်သူများ အသက်(၁၈)နှစ် အထက် ကိုဗစ်-၁၉ရောဂါ ကာကွယ်ဆေးရာနှုန်းပြည့် ထိုးနှံနိုင်ရေးအတွက် Mobile စနစ်ဖြင့် ဆက်လက်ထိုးနှံပေးလျက်ရှိကြောင်း သိရသည်။
အဆိုပါ ကိုဗစ်-၁၉ရောဂါ ကာကွယ်ဆေးထိုးနှံပြီး၊ မပြီး စစ်ဆေးခြင်းနှင့် မထိုးနှံသေးပါက တစ်ခါတည်း ထိုးနှံပေးခြင်းများအား တံတားဦး-မြို့သာ ကာလမ်း အမှတ်(၂)ရပ်ကွက် ဆုံကုန်းရပ်ရှိ BOC ဆီဆိုင်အနီးတွင် ကိုဗစ်-၁၉ရောဂါ ကာကွယ်ဆေးထိုးပြီး၊ မပြီးစစ်ဆေးခြင်းများ ဆောင်ရွက်လျက်ရှိရာ အသက် (၁၈)နှစ်နှင့်အထက် ခရီးသွားပြည်သူများ၊ ဒေသခံပြည်သူများ ကိုဗစ်-၁၉ရောဂါကာကွယ်ဆေး ထိုးနှံပြီးစီးမှု လက်မှတ်စစ်ဆေးခြင်း၊ မထိုးနှံရသေးပါက ချက်ချင်းထိုးနှံပေးခြင်းနှင့် ကိုဗစ်-၁၉ရောဂါ ကာကွယ်ဆေး ထိုးပြီးသူများထိုးပြီး ခြောက်လကျော်ပါက ထပ်ဆောင်းထိုးနှံပေးခြင်းများနှင့် ကျန်းမာရေး အသိ ပညာပေးခြင်းများ ဆောင်ရွက်လျက်ရှိကြောင်း သိရသည်။
တံတားဦးမြို့နယ်တွင် ခရီးသွားပြည်သူများ ကိုဗစ်-၁၉ ရောဂါ ကာကွယ်ဆေးရာနှုန်းပြည့် ထိုးနှံနိုင်ရေးအတွက် မြို့နယ်စီမံအုပ်ချုပ်ရေးအဖွဲ့ ဥက္ကဋ္ဌ ဦးကျော်စိုးနှင့်တာဝန်ရှိများ၊ ကျန်းမာရေးဝန်ထမ်းများ၊ ဌာနဆိုင်ရာများ ပူးပေါင်းပြီး အသက်(၁၈)နှစ်နှင့်အထက် ပြည်သူများအား ကိုဗစ်-၁၉ ကာကွယ်ဆေး တံတားဦးမြို့နယ်အတွင်း ထိုးနှံနိုင်ငရေးနှင့် ခရီးသွားပြည်သူများ ကာကွယ်ဆေးထိုးနှံပြီး၊ မပြီး စစ်ဆေးခြင်းများ ဆောင်ရွက်လျက်ရှိကြောင်းသိရပြီး ကာကွယ်ဆေးများကို သတ်မှတ်ကာလအတွင်း ထပ်ဆောင်းဆေးထိုးနှံပြီး၊ မပြီး စစ်ဆေးခဲ့ကြောင်း သိရသည်။
သတင်း - ရဲတင့်
မြန်မာနေရှင်နယ်ပို့စ်
No comments:
Post a Comment