MNP - ဧပြီ ၂၄
ရန်ကုန်အနောက်ပိုင်းခရိုင်၊ အလုံမြို့နယ်တွင် ပါဠိပထမပြန်စာမေးပွဲ အောင်မြင်စွာကျင်းပနိုင်ရေးအတွက် လုပ်ငန်းညှိနှိုင်းအစည်းအဝေးကို ယမန်နေ့ မွန်းလွဲ ၁ နာရီအချိန်က အလုံမြို့နယ်၊ ဆင်မင်းရပ်ကွက်၊ ကွင်းကျောင်းပရိယတ္တိစာသင်တိုက်၌ ပြုလုပ်ကြောင်း သိရသည်။
အစည်းအဝေးသို့ မြို့နယ်သံဃနာယကအဖွဲ့ဆရာတော်များ၊ မြို့နယ်စီမံအုပ်ချုပ်ရေးအဖွဲ့နှင့် သက်ဆိုင်ရာ ဌာနများ၊ ရပ်ကွက်အုပ်ချုပ်ရေးမှူးများ ၊ မြို့နယ်သာသနာ့နုဂ္ဂဟအဖွဲ့များတက်ရောက်ပြီး ဧပြီလ ၃၀ ရက်နေ့တွင် စမ်းချောင်းမြို့နယ်တွင် ကျင်းပပြုလုပ်မည့် ဓမ္မစာရိယ စာမေးပွဲနှင့် အလုံမြို့နယ်တွင် ကျင်းပမည့် ပါဠိပထမပြန်စာမေးပွဲ အောင်မြင်စွာ ကျင်းပနိုင်ရေးအတွက် ညှိနှိုင်းဆွေးနွေးခြင်းများ ၊ လျှောက်ထားခြင်းများ ဆောင်ရွက်ခဲ့သည်။
ပါဠိပထမပြန်စာမေးပွဲကို မေလ ၇ရက်နေ့မှ ၁၃ ရက်နေ့အထိ ကျင်းပပြုလုပ်သွားမည်ဖြစ်ကြောင်း သိရသည်။
သတင်း - တင်တင်ချို
မြန်မာနေရှင်နယ်ပို့စ်
No comments:
Post a Comment