MNP - ဧပြီ ၂၆
မွန်ပြည်နယ် မော်လမြိုင်မြို့နယ်တွင် ငါးမျိုးပြုန်းတီးမှုကာကွယ်ရေးနှင့် ငါးသယံဇာတများ ထိန်းသိမ်းနိုင်ရေးအတွက် မော်လမြိုင်ခရိုင် အတွင်းရှိ မော်လမြိုင်၊ ကျိုက်မရော၊ မုဒုံမြို့နယ်များရှိ တင်ဒါပိုက်ချက် လုပ်ငန်းရှင်များအား ငါးသယံဇာတ ထိန်းသိမ်းနိုင်ရေးအတွက် အသိပညာပေး ဟောပြောပွဲကို ယမန်နေ့က ကျင်းပဆောင်ရွက်ခဲ့ကြောင်း သိရသည်။
ဟောပြောပွဲတွင် မော်လမြိုင်ခရိုင် ဦးစီးဌာနမှူး ဒုတိယညွှန်ကြားရေးမှူး ဦးလှမင်းဇော်က တားမြစ်ကာလ (မေ/ဇွန်/ဇူလိုင်)လအတွင်း ငါးရစ်၊ငါးသန် ရာသီ၌ ငါးများအား မဖမ်းဆီးရေး၊ တားမြစ်ထားသော ၁ လက်မအောက်ပိုက်လွတ်နှင့် အဆိပ်ချနည်း၊ ဆေးချနည်း၊ ဘက်ထရီလျှော့တိုက် ငါးဖမ်းနည်းများဖြင့် ငါးများကို ဖမ်းဆီးခြင်းမပြုကြရေး၊ ဥကပ်ငါး/ပုစွန် များအား ဖမ်းဆီးခြင်း မပြုကြရန်တို့ကို ရှင်းလင်းပြောကြားခဲ့သည်။
အဆိုပါဟောပြောပွဲတွင် ငါးသယံဇာတများ ထိန်းသိမ်းရေး အသိပညာပေး လက်ကမ်း စာစောင်များပို အခမဲ့ဖြန့်ဝေပေးခဲ့ပြီး၊ ခရိုင်ငါးလုပ်ငန်း ဦးစီးဌာနမှ ဝန်ထမ်းများ၊ တင်ဒါအောင်မြင်သော ငါးလုပ်ငန်းရှင် ၂၀ ဦး တက်ရောက် ခဲ့ကြကြောင်း သိရသည်။
သတင်း - ခင်စန်းမြင့်
မြန်မာနေရှင်နယ်ပို့စ်
No comments:
Post a Comment