MNP - ဧပြီ ၉
တနင်္သာရီတိုင်းဒေသကြီး၊ ထာဝယ်ခရိုင်၊ကလိန်အောင်မြို့၊အထွေထွေအုပ်ချုပ်ရေးဦးစီးဌာနနှင့်ကလိန်အောင်နယ်မြေမီးသတ်စခန်းသို့ ပြန်ကြားရေးနှင့်ပြည်သူ့ဆက်ဆံရေး ဦးစီးဌာနမှဝန်ထမ်းများကနယ်လှည့်စာကြည့်တိုက် Mobile Libraryလုပ်ငန်းကို ယမန်နေ့ မွန်းလွဲပိုင်း အချိန်က ကွင်းဆင်းဆောင်ရွက်လျက်ရှိသည်။
ထိုသို့ ကွင်းဆင်းဆောင်ရွက်ရာတွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှဝန်ထမ်းများကမဟာသင်္ကြန် ရုံးပိတ်ရက် ကာလအတွင်းစာကြည့်တိုက်သို့မလာရောက်နိုင်သည့်စာဖတ်/စာငှားပရိသတ်များအတွက်စာအုပ်/စာစောင်များ အလွယ်တကူ ငှားရမ်း ဖတ်ရှုနိုင်ရေး ရည်ရွယ်၍ နယ်လှည့်စာကြည့်တိုက် Mobile Library လုပ်ငန်းကို ထွေ/အုပ်ဝန်ထမ်းများနှင့် မီးသတ်ဝန်ထမ်းများအားအသင်းဝင်ကတ်ပြားများ ပြုလုပ်ပေးခြင်း၊စာဖတ်ပရိတ်သတ် အကြိုက်စာအုပ်များငှားရမ်းပေးခြင်းများကို အခမဲ့ဝန်ဆောင်မှုပေးလျက်ရှိရာ စာဖတ်ပရိတ်သတ်ကြိုက်နှစ်သက်သည့် စာအုပ်များအား (၂)ပတ်လျှင် တစ်ကြိမ် သွားရောက် လဲလှယ်ဆောင်ရွက် ပေးသွားမည်ဖြစ်ကြောင်း သိရသည်။
သတင်း - ခင်ခင်လဲ့
မြန်မာနေရှင်နယ်ပို့စ်
No comments:
Post a Comment