MNP ၊ မေ ၃၀
ရခိုင်ပြည်နယ် ၊ မောင်တောမြို့နယ် မောင်တော-ဘူးသီးတောင် သွားကားလမ်းမပေါ်ရှိ (၆)မိုင် စစ်ဆေးရေး ဂိတ် တွင် မေ ၃၀ ရက်နေ့ ၁၂ နာရီ အချိန်ခန့်က ဆိုင်ကယ်မောင်းနှင်းလာသူ တစ်ဦးထံမှ စိတ်ကြွဆေးပြားများ ဖမ်းဆီး ရမိခဲ့ကြောင်း သိရသည်။
ဖြစ်စဉ်မှာ လုံခြုံရေးတပ်ဖွဲ့ဝင်များ ပူးပေါင်းအဖွဲ့သည် မောင်တော-ဘူးသီးတောင် သွားကားလမ်းမပေါ်ရှိ (၆)မိုင် စစ်ဆေးရေး ဂိတ်တွင် သတင်းအရ ယာဉ်အဝင်/အထွက် ၊ လူများအား စစ်ဆေးနေစဉ် မောင်တောမြို့ဘက်မှ ဘူးသီးတောင်ဘက်သို့မောင်းနှင်းလာသော မောင်စိန်လှ(ကျား)မောင်းနှင်းလာသည့် TVS အမျိုးအစား (နံပါတ်မပါ) နီ/ နက် ဆိုင်ကယ်အား ရပ်တန့်စစ်ဆေးရှာဖွေရာ ၎င်းဝတ်ဆင်ထားသည့် အနက်ရောင် အတွင်းခံဘောင်းဘီ အတွင်း အဖြူ ရောင် ပလက်စတစ်အိတ်ဖြင့် ထုတ်လျက် အပြာရောင် ကပ်ခွာအိတ်ဖြင့် ထည့်ထားသည့် စိတ်ကြွရူးသွပ်ဆေးပြားဟု ယူဆ ရသည့် WY နှင့် R စာတမ်းပါလိမ္မော်ရောင် စိတ်ကြွရူးသွပ် ဆေး ပြား (၁၉၀)ပြားစီပါ (၃)ထုတ် စုစုပေါင်းဆေးပြား (၅၇၀)ပြား အလေးချိန်(၅၁.၃)ဂရမ်ခန့် အား တွေ့ရှိသိမ်းဆည်းရမိခဲ့ခြင်းဖြစ်ကြောင်း သိရသည်။
မူးယစ်ဆေးဝါးများ နှင့် အတူ လက်ဝယ်တွေ့ရှိ မောင်စိန်လှ (ဘ)ဦးမောင်သန်းအေး ၊ အသက် ၃၁ နှစ်၊ မီးစက်မောင်း ၊ ဘူးသီးတောင်ဆေးရုံဝင်း၊ ဘူးသီးတောင်မြို နေသူနှင့် မူးယစ်ဆေးဝါးများ ရောင်းချပေးသူ အာတာအူလ္လာ(ကျား) (ဘ) ရှော်ဆိရ်အာမတ် ၊ အသက်(၂၂)နှစ် ၊ လသာရပ်ကွက်၊ မောင်တောမြို့နေသူ (ဖမ်းမမိသေး)တို့(၂)ဦးအား မြို့မရဲစခန်းတွင် မယ(ပ)၁၉/၂၀၂၂ ၊ မူး/စိတ်ပုဒ်မ ၁၉ (က)/၂၁ အရ အမှုဖွင့်လှစ်ကာ အရေးယူနိုင်ရေး စီစဉ်ဆောင်ရွက် လျှက်ရှိပြီး ဆက်စပ် တရားခံအား အမြန်ဆုံး ဖမ်းဆီးနိုင်ရေး စီစဉ်ဆောင်ရွက်လျက်ရှိကြောင်း သိရသည်။
သတင်း - ဝေလ(မောင်တော)
https://t.me/MyanmarNationalPost
No comments:
Post a Comment