MNP ၊ မေ ၁၁
ပဲခူးတိုင်းဒေသကြီး၊ပြည်ခရိုင်၊ပေါက်ခေါင်းမြို့နယ်အတွင်းရှိ လယ်ယာမြေများတွင် နှစ်စဉ်စိုက်ပျိုးလျက်ရှိသော စပါး၊ပဲမျိုးစုံနှင့်ဆီထွက်သီးနှံများစိုက်ပျိုးရာတွင် မြေဆီလွှာများရှိအဟာရဓာတ်များ လျော့နည်းသွားလျက်ရှိရာ လည်းကောင်းလိုအပ်အဟာရဓာတ်များကိုဖြည့်ပေးရန် သဘာဝမြေဩဇာ ဖြစ်သော သစ်စိမ်းမြေဩဇာ(ပိုက်ဆံလျှော်) ကြဲပက်စိုက်ပျိုးသရုပ်ပြခြင်းနှင့် တောင်သူများအတွက် မျိုးစေ့များပေးအပ်ပွဲကို ယနေ့နံနက် ၈ နာရီ ခန့်က လေးကြီးကျေးရွာရှိတောင်သူဦးတင်လှ ၏ လယ်ယာမြေစိုက်ခင်းတွင်ပြု လုပ်ခဲ့သည်။
ရှေးဦးစွာမြို့နယ်စီမံအုပ်ချုပ်ရေးအဖွဲ့ဥက္ကဌဦးဖြိုးသူမောင်၊မြို့နယ်စိုက်ပျိုးရေးဦးစီးမှူးဦးမင်းမင်းထွန်း နှင့်ဌာနဆိုင်ရာတာဝန်ရှိသူများက သစ်စိမ်းမြေဩဇာ(ပိုက်ဆံလျှော်)မျိုးစေ့များကို တက်ရောက်လာသော လေးကြီးကျေးရွာအုပ်စုရှိတောင်သူများထံသို့ထောက်ပံ့ပေးအပ်ခဲ့ပြီး၊မြို့နယ်စိုက်ပျိုးရေးဦးစီးမှူးက သစ်စိမ်းမြေဩဇာ၏ အကျိုးရှိပုံနှင့် အသုံးပြုသည့်နည်းလမ်းများကို ရှင်းလင်းပြောကြားသည်။
ဆက်လက်၍တောင်သူ ဦးတင်လှ ၏ လယ်စိုက်ကွက်တွင် မြို့နယ်စီမံအုပ်ချုပ်ရေးအဖွဲ့ဥက္ကဌနှင့် ဌာနဆိုင်ရာများ၊တောင်သူများက သစ်စိမ်းမြေဩဇာ(ပိုက်ဆံလျှော်) မျိုးစေ့ကိုစုပေါင်းကြဲပက် စိုက်ပျိုခဲ့ကြောင်းသိရသည်။
သတင်း - သန်းထွန်းအောင်
https://t.me/MyanmarNationalPost
No comments:
Post a Comment