MNP - မေ ၁
ရန်ကုန်မြောက်ပိုင်းခရိုင်၊ မင်္ဂလာဒုံမြို့နယ် စိုက်ပျိုးရေးဦးစီးဌာနမှ ကြီးမှူး၍ ကျင်းပပြုလုပ်သည့် နွေစပါးစံကွက်ရိတ်သိမ်းပွဲကို ယမန်နေ့ နံနက်ပိုင်းက ရွှေနံ့သာကျေးရွာအုပ်စုရှိ ကွင်းအမှတ်(၅၃၁)၊ ဦးပိုင်အမှတ်-၁၆(က) တောင်သူ ဦးပန်းညွန့်၏ နွေစပါး စိုက်ပျိုးလယ်မြေစပါးစံပြကွက်တွင် ကျင်းပပြုလုပ်ခဲ့ကြောင်းသိရသည်။
နွေစပါးစံကွက်ဖြစ်သည့် ရွှေနံ့သာကျေးရွာအုပ်စု၊ တောင်သူ ဦးပန်းညွန့်၏ ဆင်းသုခ/ဆင်းသွယ်လတ် မျိုးစပါး စံပြကွက်(ဝ.၁၀)ဧက စံကွက်ရိတ်သိမ်းကြရာ တစ်ဧကအထွက်နှုန်း (၁၂၈.၄၆)တင်းနှုန်း ထွက်ရှိကြောင်းလည်း သိရသည်။
နွေစပါးစံကွက်ရိတ်သိမ်းပွဲသို့ စိုက်ပျိုးရေးဦးစီးဌာနမြို့နယ်ဦးစီးမှူး ဦးမြင့်ဆွေနှင့်ဝန်ထမ်းများ၊ မြို့နယ် လယ်ယာမြေစီမံခန့်ခွဲရေးနှင့်စာရင်းအင်းဦးစီးဌာနမှဝန်ထမ်းများ၊ ကျေးရွာတာဝန်ခံနှင့်ဒေသခံ တောင် သူများတက်ရောက်ခဲ့ကြကြောင်း သိရှိရသည်။
သတင်း - ဆုလှိုင်
မြန်မာနေရှင်နယ်ပို့စ်
No comments:
Post a Comment