MNP ၊ မေ ၁၀
ရခိုင်ပြည်နယ်၊ ရသေ့တောင်မြို့တွင် (၂၀၂၂-၂၀၂၃)ပညာသင်နှစ်၊ Grade-5 (သင်ရိုးသစ်) မြို့နယ်အဆင့်ဆင့်ပွားသင်တန်းဖွင့်ပွဲအခမ်းအနားကို ယနေ့၊ နံနက်(၉)နာရီကရသေ့တောင်(အထက)(၂)အစည်းအဝေးခန်းမ၌ ကျင်းပခဲ့ကြောင်းသိရသည်။
ရှေးဦးစွာ မြို့နယ်ပညာရေးမှူး ဦးထွန်း ချေက တိုးတက်ပြောင်းလဲ လာသော ပညာရေးစနစ်နှင့်အညီ အခြေခံပညာမူလတန်းပညာရပ်သည် အဓိကအက္ခရာကျပါ ကြောင်း၊ ဆရာ၊ ဆရာမတို့အနေနဲ့ Grade-5 (သင်ရိုးသစ်) သင်ရိုးညွှန်းတမ်းများကို နည်းစနစ်တကျ သင်ကြား၊ သင်ယူကြပါရန် လမ်းညွှန်မှာကြားခဲ့ပြီး၊ ဒုတိယမြို့နယ်ပညာရေးမှူး ဦး မောင်ဝင်းညွန့်က သင်တန်းနည်းပြဆရာများနှင့်သင်တန်းသား ဆရာ/မတို့အား သင်တန်း၏ စည်းမျဉ်း၊ စည်းကမ်းများနှင့်ပတ်သက်၍ ရှင်းလင်းပြောကြားခဲ့သည်။
အဆိုပါသင်တန်းသို့ ရသေ့တောင်မြို့နယ်အတွင်းရှိ အခြေခံပညာအထက်တန်း၊ အလယ်တန်း၊ မူလတန်းကျောင်းများမှ ဆရာ၊ ဆရာမ (၉၀၉)ဦး၊ တက်ရောက်ကြပြီး၊ သင်တန်းနည်းပြဆရာ/ မ ၆၀ ဦးတို့က Grade-5 (သင်ရိုးသစ်) သင်ရိုးညွှန်းတမ်း အတိုင်း (၄)ရက်ကြာ သင်ကြားပို့ချပေးလျက် ရှိကြောင်းသိရသည်။
သတင်း - ထွန်းလင်းကျော်
https://t.me/MyanmarNationalPost
No comments:
Post a Comment