MNP ၊ ဇွန် ၅
မွန်ပြည်နယ်၊ပေါင်မြို့နယ်တွင် ကမ္ဘာ့ပတ်ဝန်းကျင်ထိန်းသိမ်းရေးနေ့ အထိမ်းအမှတ်သစ်ပင်စိုက်ပျိုးပွဲကို ယနေ့နံနက်ပိုင်းက သဲဖြူကုန်းကျေးရွာ၊ မလတ်တောင်ခြေ၌ကျင်းပ ပြုလုပ်ခဲ့သည်။
မြို့နယ်စီမံအုပ်ချုပ်ရေးအဖွဲ့ ဥက္ကဌ ဦးသိုက်ထွန်း ၏ဦးဆောင်မှုဖြင့် သစ်တောဦးစီးဌာနမှ မန်ဂျန်ရှား အပင်( ၁၂၁၀) အားမလတ်တောင်ခြေ၌ စိုက်ပျိုးခဲ့ကြသည်။
အခမ်းအနားသို့ မြို့နယ်စီမံအုပ်ချုပ်ရေးအဖွဲ့ဥက္ကဌနှင့်အဖွဲ့ဝင်များ၊ဌာနဆိုင်ရာများ၊အမျိုးသမီးရေးရာအဖွဲ့ဥက္ကဌ နှင့်အဖွဲ့ဝင်များ၊ မိခင်နှင့်ကလေးစောင့်ရှောက်ရေးအဖွဲ့ဝင်များ၊ရပ်ကျေးအုပ်ချုပ်ရေးမှူးနှင့်ရပ်မိရပ်ဖများစုစုပေါင်းအင်အား (၁၂၀)ဦးခန့်တက်ရောက်ခဲ့ကြသည်။
သစ်တောသစ်ပင်များ စိုက်ပျိုးခြင်းဖြင့် သဘာဝပတ်ဝန်းကျင် စိမ်းလန်းစိုပြေရေး၊ ရာသီဥတုမျှတမှု ရှိစေရေး၊ အရိပ်ရအပင်များ ရရှိစေရေး၊ သစ်တောပြုန်းတီးမှုကို ကာကွယ်နိုင်ရေးနှင့် ဇီဝမျိုးကွဲစုံကျေးငှက်သားရဲတိရစ္ဆာန်များ မှီခိုကျက်စားနိုင်စေရန် သစ်တောသစ်ပင်များ စိမ်းလန်းစိုပြေစေရေးနှင့် သစ်တောသစ်ပင်များ၏ တန်ဖိုးကိုနားလည်ချစ်မြတ်နိုးတတ်စေရန်၊ ပတ်ဝန်းကျင် ထိန်းသိမ်းရေးအသိများ နိုးကြားရှင်သန်စေရန်၊ ရာသီဥတုအတွက် ရည်ရွယ်၍ စိုက်ပျိုးခြင်းဖြစ်ကြောင်းသိရသည်။
သတင်း - မွန်မလေး
https://t.me/MyanmarNationalPost
No comments:
Post a Comment