MNP ၊ ဇွန် ၁၁
သထုံခရိုင်၊ ဘီးလင်းမြို့နယ်၊ ညောင်ပလင် ကျေးရွာအုပ်စု၊ ညောင်ပလင် ကျေးရွာ၌ ဇွန်လ ၈ ရက်ည ၁၁ နာရီခွဲအချိန်က မိုးသည်းထန်စွာရွာသွန်းပြီး လေပြင်းတိုက်ခတ်မှုကြောင့် လူနေအိမ်အချို့ ပျက်စီးခဲ့ရာ လေဘေးသင့် အိမ်ထောင်စုများအား မြို့နယ်ကြက်ခြေနီအသင်းခွဲမှ ထောက်ပံ့ပစ္စည်းများ ပေးအပ်ပွဲကို ယနေ့ နံနက် ၉ နာရီက ကျေးရွာအုပ်ချုပ်ရေးမှူးရုံး၌ ကျင်းပပြု လုပ်ခဲ့ကြောင်းသိရသည်။
အဆိုပါ ထောက်ပံ့ပစ္စည်းများပေးအပ်ရာတွင် ဘီးလင်းမြို့နယ်ကြက်ခြေနီ အသင်းခွဲမှ သူနာပြုတပ်ဖွဲ့မှူး ဦးငွေဝင်း ဦးဆောင်သော တပ်ဖွဲ့ဝင်များသည် ညောင်ပလင်ကျေးရွာမှ လေဘေးဒဏ်ကြောင့် ပြိုလဲနေအိမ် ၇ လုံးအတွက် မီးဖို ချောင်သုံးပစ္စည်း ၁ ဖာ၊ တာပေါ်လင်တစ်စ၊ အင်္ကျီ ၁ ထည် ၊ လုံချည်တစ်ထည်၊ ခြင်ထောင်တစ်လုံး၊ စောင်တစ်ထည် ၊ ဆေးအိတ် အသေး တစ်လုံး စသည့် ပစ္စည်း ၉ မျိုးကိုလည်းကောင်း၊ အမိုးလန်နေအိမ် ၂၃ လုံး အတွက် တစ်ကိုယ်ရည် သန့်ရှင်းရေးသုံးပစ္စည်း တစ်ဖာစီတို့ကိုလည်းကောင်း သွား ရောက်ပေးအပ်ခဲ့ကြောင်း သိရသည်။
သတင်း - ထူးနောင် (ဘီးလင်း)
https://t.me/MyanmarNationalPost
No comments:
Post a Comment