MNP - ဇွန် ၉
ရှမ်းပြည်နယ်တောင်ပိုင်း၊ တောင်ကြီးခရိုင်၊ အင်တောမြို့တွင် အသက်(၈၅)နှစ်နှင့်အထက် သက်ကြီးဘိုးဘွားများအတွက် ထောက်ပံ့ငွေပေးအပ်ခြင်းကို ယနေ့နံနက်ပိုင်းက အင်တောမြို့အတွင်းရှိ သက်ကြီးဘိုးဘွား(၃၅)ဦးထံသို့ အိမ်တိုင်ရာရောက် သွားရောက်ထောက်ပံ့ပေးအပ်ခဲ့ကြောင်း သိရသည်။
ထိုသို့ ထောက်ပံ့ငွေများပေးအပ်ရာတွင် မြို့ပေါ်(၆)ရပ်ကွက်နှင့်ကျေးရွာအုပ်စု(၅)စုအတွင်းရှိ လူမှုရေးပင်စင်အကျုံးဝင်သည့် အသက်(၈၅)နှစ်နှင့်အထက် ဘိုးဘွားများအား တစ်လလျှင်ကျပ် ၁၀၀၀ဝ နှုန်းဖြင့် (၃)လစာ ဘိုးဘွားတစ်ဦးလျှင် ငွေကျပ် ၃၀၀၀ဝ နှုန်းဖြင့် ဘိုးဘွား ၃၅ ဦးအတွက် စုစုပေါင်းငွေကျပ် ၁၀၅၀၀၀၀ တိတိအား ထောက်ပံ့ပေးခဲ့သည်။ အဆိုပါ ထောက်ပံ့ငွေများကို အင်တောမြို့ မြို့အုပ်ချုပ်ရေးမှူး ဦးစိန်လှိုင်တင့်နှင့် စာရေးဝန်ထမ်းများ၊ ရပ်ကွက်/ကျေးရွာအုပ်စုအုပ်ချုပ်ရေးမှူးများက သက်ကြီးဘိုးဘွားများထံသို့ အိမ်တိုင်ရာရောက် ထောက်ပံ့ပေးအပ်ခဲ့ကြောင်း သိရသည်။
သတင်း - အောင်ခိုင်
မြန်မာနေရှင်နယ်ပို့စ်
No comments:
Post a Comment