MNP ၊ ဇွန် ၂၄
၂၀၂၂ခုနှစ်၊ဇွန်လ၂၆ရက်နေ့တွင် ကျရောက်မည့်အပြည်ပြည်ဆိုင်ရာမူးယစ်ဆေးဝါး အလွဲသုံးမှုနှင့်တရားမဝင်ရောင်းဝယ်မှုတိုက်ဖျက်ရေးနေ့ အထိမ်းအမှတ် စကားပုံဆက်ပြိုင်ပွဲ၊ စာအုပ်ပြပွဲနှင့်နံရံကပ်စာစောင်ပြပွဲကိုယနေ့ နေ့လယ်ပိုင်းကရမ်းဗြဲမြို့နယ်၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ လူထုအခြေပြုဗဟိုဌာန၌ ကျင်းပသည်။
ရှေးဦးစွာ စကားပုံဆက်ပြိုင်ပွဲတွင် ဝင်ရောက်ယှဉ်ပြိုင်ကြမည့်ကျောင်းသား၊ကျောင်းသူများအားရမ်းဗြဲမြို့နယ်၊ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ဒုတိယဦးစီးမှူး ဒေါ်သိန်း သိန်းနိုင်က အသင်းအဖွဲ့စိတ်ဓာတ်ဖြင့် ပါဝင်ယှဉ်ပြိုင်ရမည့် သတ်မှတ်စည်း ကမ်းအား ရှင်းလင်းပြောကြားပြီး Group(A)၊ Group(B)၊ Group(C) ဖွဲ့စည်းပေးခဲ့သည်။
ဆက်လက်၍စကားပုံဆက်ပြိုင်ပွဲကို ရမ်းဗြဲမြို့ပေါ်ရှိအခြေခံပညာကျောင်းများမှကျောင်းသား၊ကျောင်းသူတို့က အဖွဲ့(၁)၊ အဖွဲ့(၂)၊ အဖွဲ့(၃) သတ်မှတ်ကာ ဝင်ရောက်ယှဉ်ပြိုင် ကစားခဲ့ကြ ရာ အနိုင်ရရှိသော Group(A) အဖွဲ့မှကျောင်းသား၊ကျောင်းသူများအားဒုတိယဦးစီးမှူး ဒေါ်သိန်းသိန်းနိုင်နှင့် စာကြည့်တိုက်လက်ထောက်-၃ဦးမောင်ကြည်တို့က စာရေးကိရိယာပစ္စည်းများနှင့်ဆုများပေးအပ်ချီးမြှင့်ခဲ့ကြသည်။
ထို့နောက် အပြည်ပြည်ဆိုင်ရာ မူးယစ် ဆေးဝါး အလွဲသုံးမှုနှင့် တရားမဝင်ရောင်းဝယ်မှုတိုက်ဖျက်ရေးနေ့အထိမ်းအမှတ်အသိပညာပေး နံရံ ကပ်စာစောင်များနှင့်သုတ/ရသစာအုပ်စာပေများခင်းကျင်းပြသထားရှိရာကျောင်းသား၊ ကျောင်းသူများကစိတ်ပါဝင်စားစွာ လာရောက်လေ့လာ ဖတ်ရှုခဲ့ကြပြီး ပြန်ကြားရေးနှင့်ပြည် သူ့ဆက်ဆံရေးဦးစီးဌာနရှိဝန်ထမ်းများက သတင်းစကားလက်ကမ်းစာစောင်အားအခမဲ့ ဖြန့်ဝေပေးခဲ့ကြကြောင်း သိရသည်။
သတင်း - အောင်နိုင်
https://t.me/MyanmarNationalPost
No comments:
Post a Comment