MNP ၊ ဇွန် ၆
မွန်ပြည်နယ်၊ ကျိုက်ထို မြို့နယ်တွင် ကျောင်းနေအရွယ်ကလေးငယ်များအား လုံးကို ကိုဗစ်-၁၉ ကာကွယ်ဆေး ထိုးနှံပေးလျက်ရှိရာအသက် ၅ နှစ်မှ ၁၂ နှစ်အထိ ကျောင်းသား၊ ကျောင်းသူများအား ကိုဗစ်- ၁၉ ကာကွယ်ဆေး ထိုးနှံခြင်းကို ဇွန်(၆)ရက် နံနက် ၉ နာရီတွင် အခြေခံပညာကျောင်း စုရပ် အသီးသီး ၌ ဆက်လက် ထိုးနှံပေးလျက်ရှိကြောင်း သိရသည်။
ထိုသို့ ကာကွယ်ဆေးထိုးနှံရာတွင်မြို့နယ်စီမံအုပ်ချုပ်ရေးအဖွဲ့ ၊ကျန်းမာရေးဌာနဝန်ထမ်းများ ၊ ဆရာ/ဆရာမများ ပူးပေါင်း ၍ အသက် ၅ နှစ်မှ ၁၂ နှစ်အထိ ကျောင်း သား၊ ကျောင်းသူများအား ကာကွယ်ဆေးမထိုးမီ ကျန်းမာရေးစစ်ဆေးခြင်းဆိုင်ရာ အချက်အလက်များကို မိဘ/အုပ်ထိန်းသူမှ သဘောတူကြောင်း လက်မှတ်ရေးထိုးခြင်း၊ ကျန်းမာရေး စစ်ဆေးပေးခြင်း၊ စိုးရိမ်ရသည့်ရောဂါ လက္ခဏာ ရှိ/မရှိ မေးမြန်းပြီးမှသာ ကိုဗစ်-၁၉ ကာကွယ်ဆေး Sinopharm ကို ထိုးနှံပေးခဲ့သည်။
ယခုစာသင်နှစ်၌ ဖွင့်လှစ်နေသည့် အခြေခံပညာကျောင်း ၁၂၄ ကျောင်း၊ ကိုယ်ပိုင်ကျောင်း ၆ ကျောင်း၊ ဘုန်းတော်ကြီးသင်ကျောင်း ၁၄ ကျောင်း စုစုပေါင်း (၁၄၄)ကျောင်းရှိ အသက် ၅ နှစ်မှ ၁၂ နှစ်အထိ ကျောင်းသား၊ ကျောင်းသူများအား ဇွန် ၂ ရက်နေ့မှ စတင်ကာ ဇွန် ၅ ရက်အထိ သတ်မှတ်ရက်များအလိုက်စာသင်ကျောင်း ဆေးထိုးစုရပ်များတွင် ကျောင်းသား ၊ကျောင်းသူ (၁၉၆၃) ဦး အားထိုးနှံပြီးစီးပြီ ဖြစ်ကြောင်း သိရသည်။
သတင်း - ဝင်းမောင်(ကျိုက်ထို)
https://t.me/MyanmarNationalPost
No comments:
Post a Comment