MNP - ဇွန် ၁၇
ရှမ်းပြည်နယ်တောင်ပိုင်း၊ လွိုင်လင်ခရိုင်၊ မိုင်းကိုင်မြို့နယ်၏ ၂၀၂၂ ခုနှစ်၊ တက္ကသိုလ်ဝင်တန်းစာမေးပွဲ ဖြေဆိုအောင်မြင်သူများ စာရင်းကို ယနေ့ မနက် ၆ နာရီက အခြေခံပညာအထက်တန်းကျောင်း( မိုင်းကိုင်)၌ ကပ်ထားကြေညာပေးခဲ့ရာ ဖြေဆိုအောင်မြင်သူနှင့် ဂုဏ်ထူးရရှိသူများ များပြားသည့်အတွက် ကျောင်းသားကျောင်းသူများနှင့် မိဘပြည်သူများ ဝမ်းမြောက်ဝမ်းသာဖြစ်နေကြသည်။
တက္ကသိုလ်ဝင်စာမေးပွဲ အောင်စာရင်း ကပ်ထားကြေညာထားစဉ် ကာလအတွင်း ကျောင်းသား/ကျောင်းသူများနှင့် မိဘပြည်သူများ ဖြေဆိုအောင်မြင်သူစာရင်းကို စိတ်အေးချမ်းသာယာစွာဖြင့် လာရောက်ကြည့်ရှုနိုင်ရေးအတွက် နယ်မြေခံတပ်မတော်သားများ၊ မြို့နယ်ရဲတပ်ဖွဲ့၊ မြို့နယ်မီးသတ်တပ်ဖွဲ့၊ မြို့နယ်ပညာရေးဌာနမှ တာဝန်ရှိသူများနှင့်ရပ်ကွက်/ကျေးရွာအုပ်စု အုပ်ချုပ်ရေးမှူးများက ယာဉ်အန္တရာယ် ကင်းရှင်းရေး၊ လုံခြုံရေးတာဝန်များ လာရောက်ကြည့်ရှု စောင့်ရှောက်ပေးလျက်ရှိသည်။
၂၀၂၁ - ၂၀၂၂ ပညာသင်နှစ်၊ တက္ကသိုလ်ဝင်တန်းစာမေးပွဲတွင် မိုင်းကိုင်မြို့နယ်၌ အခြေခံပညာအထက်တန်းကျောင်း (၁)ကျောင်း၊ အခြေခံပညာအထက်တန်းကျောင်းခွဲ (၂)ကျောင်းနှင့် အလွတ်ဖြေဆိုသူ ကျောင်းသားကျောင်းသူပေါင်း ၉၃ ဦးရှိခဲ့ပြီး ဖြေဆိုအောင်မြင်သူများထဲမှ ၃ ဘာသာဂုဏ်ထူးရှင် သုံးဦး၊ ၂ ဘာသာဂုဏ်ထူးရှင် နှစ်ဦး၊ ၁ ဘာသာဂုဏ်ထူး ရှင် ၆ ဦး အပါအဝင် ဖြေဆိုအောင်မြင်သူပေါင်း ၄၂ ဦးနှင့် တစ်မြို့နယ်လုံး အောင်ချက်ရာခိုင်နှုန်းမှာ ၄၈.၈၆ % ရှိကြောင်း သိရသည်။
မြန်မာနေရှင်နယ်ပို့စ်
No comments:
Post a Comment