MNP - ဇွန် ၂၂
တနင်္သာရီတိုင်းဒေသကြီး၊ ထားဝယ်ခရိုင်၊ ကလိန်အောင်မြို့ ရာဖူးကျေးရွာ ရေး-ထားဝယ်သွား ကားလမ်းနံဘေးရှိ ဘုရားကုန်းပေါ်၌ ယနေ့နံနက် ၇ နာရီက ကလိန်အောင်မြို့သစ်တောဦးစီးဌာနမှ ကြီးမှူး၍ သဘာဝပတ်ဝန်းကျင်စိမ်းလန်းစိုပြေစေရေးအတွက် ၂၀၂၂ ခုနှစ် မိုးရာသီ အရိပ်ရသစ်ပင်စိုက်ပျိုးပွဲတော်ကျင်းပကြောင်း သိရသည်။
အဆိုပါ သစ်ပင်စိုက်ပျိုးပွဲတော်တွင် ကလိန်အောင်မြို့ သစ်တော်ဦးစီးဌာနမှ တာဝန်ခံဦးခင်စိန်နှင့် ဝန်ထမ်းများ၊ ရာဖူးကျေးရွာ အုပ်ချုပ်ရေးမှူး ဦးခင်မောင်ဦးနှင့် ကျေးရွာသူ၊ ကျေးရွာသား (၃၀)ဦးခန့်က ရာဖူးကျေးရွာရေး-ထားဝယ်သွား ကားလမ်းနံဘေးရှိ ဘုရားကုန်းပေါ်၌ ကံ့ကော်အပင်-၁၀၀၊ ခရေအပင်-၁၅၀ စုစုပေါင်း အရိပ်ရ အပင် ၂၅၀ ပင်ကို စုပေါင်း၍ စိုက်ပျိုးကြကြောင်း သိရသည်။
သတင်း - ခင်ခင်လဲ့
မြန်မာနေရှင်နယ်ပို့စ်
No comments:
Post a Comment