MNP - ဇွန် ၂
ပဲခူးတိုင်းဒေသကြီး၊ သာယာဝတီခရိုင်၊ မင်းလှမြို့နယ်တွင် ၂၀၂၂ ခုနှစ်၊ ဇွန်လ ၂ ရက်နေ့မှစတင်ကာ ၂၀၂၂-၂၀၂၃ ပညာသင်နှစ်အတွက် (Kg)အတန်းမှ ဧကာဒဿမတန်းအထိ အခြေခံပညာကျောင်းများပြန်လည်ဖွင့်လှစ်ခဲ့ရာ ကျောင်းသား၊ ကျောင်းသူများ တတ်ရောက်ကာအေးချမ်းစွာ ပညာသင်ကြားလျက်ရှိကြောင်း သိရသည်။
မင်းလှမြို့နယ်တွင်(ထက်၊ လယ်၊ မှု) အခြေခံပညာကျောင်းပေါင်း (၁၅၅)ကျောင်းရှိပြီး ယနေ့တွင်ဆရာ၊ ဆရာမပေါင်း(၁၁၆၈)ဦးတို့က တတ်ရောက်ကျောင်းသား၊ ကျောင်းသူပေါင်း(၁၈၆၁၅)ဦးတို့အား ပညာသင်ကြားပေးလျက်ရှိကြောင်း သိရသည်။
ကျောင်းများဖွင့်လှစ်သင်ကြားရာတွင် ကျန်းမာရေးဝန်ကြီးဌာနက ထုတ်ပြန်ထားသည့် ကိုဗစ်-၁၉ ရောဂါကာကွယ်ရေးစည်းကမ်းချက်များနှင့်အညီ ဆရာ၊ ဆရာမများက သင်ကြားပေးလျက်ရှိကြောင်း၊ ကျောင်းသား၊ ကျောင်းသားများအေးချမ်းစွာ ပညာသင်ကြားနိုင်ရေးအတွက် မြို့နယ်စီမံအုပ်ချုပ်ရေးအဖွဲ့ဦးဆောင်မှုဖြင့် လုံခြုံရေးတပ်ဖွဲ့ဝင်များက စောင့်ကြပ်ပေးလျက်ရှိကြောင်း သိရသည်။
သတင်း - ပေါက်စ
မြန်မာနေရှင်နယ်ပို့စ်
No comments:
Post a Comment