MNP ၊ ဇွန် ၂၄
ရခိုင်ပြည်နယ်၊ ရမ်းဗြဲမြို့နယ်၊ ပြန်ကြားရေးနှင့်ပြည်သူ့ဆက်ဆံရေးဦးစီးန Community Centre ခန်းမလူထုအခြေပြု ဗဟိုဌာနတွင် ယမန်နေ့ ညနေပိုင်းက စာအုပ်စာပေချစ်မြတ်နိုးသူ ကျောင်းသား/ကျောင်းသူများ အသိပညာဗဟုသုတတိုးပွားလာရေန်နှင့် စာကြည့်တိုက်သို့လာရောက်ပြီးစာအုပ်စာပေများကို စဉ်ဆက်မပြတ်လေ့လာဖတ်ရှုသည့်အလေ့အကောင်းများ ဖြစ်ပေါ်လာစေရန်ရည်ရွယ်လျက် ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ကြီးမှူး၍ စာဖတ်ဝိုင်းပြုလုပ်ခဲ့ကြကြောင်းသိရသည်။
ထိုသို့ဆောင်ရွက်ရာတွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ဒုတိယဦးစီးမှူး ဒေါ်သိန်းသိန်းနိုင် က ဒို့ကျေးရွာဂျာနယ် အတွဲ(၁၉)၊ အမှတ် (၁၀) စာမျက်နှာ ၁၁ ပါ ၊ ရွာသားဖိုးမောင် ရေးသားသည့်“ ပညာနှင့်တူသောအလင်းရောင်” ဆောင်ပါးကို ဖတ်ကြားပြီးဦးဆောင်ဆွေးနွေးသည်။ ယင်းနောက်စာဖတ်ဝိုင်းတွင် ပါဝင်ကြသည့် ကျောင်းသား/ကျောင်းသူများကလည်း ၎င်းဆောင်ပါးပါ အကြောင်းအရာများကိုဖတ်ကြားကြပြီး ဆွေးနွေးကြရာ ကျောင်းသား/ကျောင်းသူများ၏ ဆွေးနွေးချက်များအပေါ်တွင် ဒုတိယဦးစီးမှူး ဒေါ်သိန်းသိန်းနိုင်မှ ဖြည့်စွက်ဆွေးနွေးပြောကြားပေးခဲ့ကြောင်း သိရသည်။
သတင်း - အောင်နိုင်
https://t.me/MyanmarNationalPost
No comments:
Post a Comment