MNP - ဇူလိုင် ၁၁
ကရင်ပြည်နယ်၊ ဘားအံခရိုင်၊ သံတောင်ကြီးမြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ မြစိမ်းရောင်စီမံကိန်းအား ၂၀၁၄-၂၀၁၅ ဘဏ္ဍာရေးနှစ်မှ စတင်၍ အကောင်အထည်ဖော်ဆောင်ရွက်လျက်ရှိရာ ၂၀၂၂-၂၀၂၃ဘဏ္ဍာရေးနှစ်တွင် ဆောင်ရွက်မည့် ကျေးရွာဖွံ့ဖြိုးတိုးတက် ရေးစီမံကိန်းစီမံခန့်ခွဲမှု(AVIP) သင်တန်းကို ယနေ့နံနက်(၉)နာရီအချိန်က ကျေးလက်ဒေသဖွံ့ဖြိုး တိုးတက်ရေးဦးစီးဌာနအစည်းအဝေးခန်းမ၌ ကျင်းပပြုလုပ်ခဲ့ကြောင်း သိရသည်။
သင်တန်းတွင် စီမံကိန်းစီမံခန့်ခွဲမှု(AVIP)သင်တန်းပြုလုပ်ရခြင်း ရည်ရွယ်ချက်များ ရေရှည်တည်တံ့ အောင်မြင်စေရန်၊ စာရင်းဇယားများ ပြည့်စုံမှန်ကန်စွာဖြည့်သွင်းနိုင်ရန်နှင့် ကျေးလကဥပဒေများ သိရှိစေရန် ရည်ရွယ်ပြီး ကျေးလက်ဒေသဖွံ့ဖြိုးတိုးတက်ရေးဦးစီးဌာန မြို့နယ်ဦးစီးမှူး ဦးချမ်းငြိမ်းဝင်းနှင့် ဝန်ထမ်းများက ရှင်းလင်းပို့ချပေးခဲ့ပြီး သင်တန်းတွင်သံတောင်ကြီးမြို့နယ်အတွင်းရှိကျေးရွာဖွံ့ဖြိုးတိုးတက်ရေး စီမံကိန်းစီမံခန့်ခွဲမှု(AVIP)ကျေးရွာ(၁၁)ရွာမှ သင်တန်းသား/ သင်တန်း သူ (၁၅)ဦးတက်ရောက်ခဲ့ကြောင်း သိရသည်။
သတင်း - စောမင်းသား
မြန်မာနေရှင်နယ်ပို့စ်
No comments:
Post a Comment