MNP - ဇူလိုင် ၁၂
ရှမ်းပြည်နယ်(မြောက်ပိုင်း)၊ ကျောက်မဲခရိုင်၊ မိုင်းလုံမြို့အတွင်းရှိ ရေရရှိသောခြံများတွင် ဝက်မြေဥကို တပိုင်တနိုင်စီးပွားဖြစ်စိုက်ပျိုးလျက်ရှိကြောင်း သိရသည်။
ထိုသို့စိုက်ပျိုးရာတွင် အရင်နှစ်ကဝက်မြေဥအချို့ကို မျိုးထားပြီး ယခုနှစ်တွင် ပြန်လည်စိုက်ပျိုးကြကြောင်း၊ စတင်ပျိုးရာတွင် ပျိုးထောင်မည့်မြေကွက်ကို စနစ် တကျပေါင်းရှင်း အကွက်ဖော်ပြီး မျိုးစေ့များကိုအတန်းလိုက်စီကာ မြေနှင့်နွားချီးများရော၍ မျိုးစေ့ပေါ်တွင်ဖုန်းပြီး စိုက်ပျိုးကြကြောင်း၊ နယုန်လဆန်းပိုင်းတွင်စတင်ပျိုးထောင်ပြီး ဝါဆိုလဆန်းပိုင်းတွင် ပြောင်းရွှေ့စိုက်ပျိုးကြကြောင်း၊ တန်ဆောင်မုန်းလတွင် တူးယူ၍ရကြောင်းနှင့် တစ်ပြည်ကို(၅၀၀) ကျပ်ခန့်ရရှိကြောင်းကို မိုင်းလုံမြို့ အလယ်ရပ်ကွက်နေ ဝက်မြေဥစိုက် တောင်သူတစ်ဦးထံမှ သိရသည်။
သတင်း - ဇော်ဇော်
မြန်မာနေရှင်နယ်ပို့စ်
No comments:
Post a Comment