MNP ၊ ဇူလိုင် ၂
သထုံခရိုင် ဘီးလင်းမြို့နယ်၊ အခြေခံပညာအထက်တန်းကျောင်း (ကန်သာယာ)မှ ၂၀၂၂ ခုနှစ် တက္ကသိုလ်ဝင်တန်း စာမေးပွဲတွင် ဖြေဆို အောင်မြင်ကြသော ကျောင်းသား ၊ကျောင်းသူများအား ပညာရည် ထူးချွန်ဆု ပေးအပ်ပွဲအခမ်းအနားကို ယနေ့ နံနက်ပိုင်းက အ-ထ-က ကန်သာယာကျောင်းမဟောသဓာခန်းမ၌ ကျင်းပပြုလုပ်သည်။
အခမ်းအနားတွင်Grade - 11 ကျောင်းသား ၊ကျောင်းသူလေးများ က ပညာပန်းခင်း တေးသီးခင်းဖြင့်သီဆိုကာ အခမ်းအနားကိုဖွင့်လှစ် ခဲ့ပြီး ဒုတိယမြို့နယ် ပညာရေးမှူး ဦးကြည်ထွန်းက အဖွင့်အမှာစကား ပြောကြားခဲ့သည်။ထို့နောက်အထက ကန်သာယာကျောင်းအုပ်ဆရာ ကြီး ဦးဝင်းသူက ပညာရည်ထူးချွန်ဆု ချီးမြှင့်ပွဲကျင်းပပေး ရခြင်းနှင့် ပတ်သက်၍ ရှင်းလင်းပြောကြားခဲ့သည်။
ဆက်လက်၍ ပညာရည်ထူးချွန်ဆုချီးမြှင့်ပွဲအခမ်းအနားကို ကျင်းပ ပြုလုပ်ရာ အထက ကန်သာယာကျောင်းမှ ၂၀၂၂ ခုနှစ် တက္ကသိုလ်ဝင် စာမေးပွဲတွင် ၄ ဘာသာဂုဏ်ထူးရှင် ၁ ဦး၊ ၃ ဘာသာဂုဏ်ထူးရှင် ၁ ဦး ၂ ဘာသာဂုဏ်ထူးရှင် ၅ ဦး၊ ၁ ဘာသာဂုဏ်ထူးရှင် ၁၁ဦး၊ရိုးရိုးအောင် ၁၆ ဦး ၊ စုစုပေါင်း ကျောင်းသား၊၊ ကျောင်းသူ ၃၄ ဦး နှင့် ဘာသာရပ် အလိုက် ထူးချွန်စွာ သင်ကြားပေးခဲ့ကြသော ဆရာ ၊ဆရာမများ အား ဌာနဆိုင်ရာ အကြီးအကဲများနှင့် တာဝန်ရှိသူ အသီးသီးတို့က ဂုဏ်ပြု မှတ်တမ်းလွှာနှင့် ဂုဏ်ပြုဆုငွေများပေးအပ်ချီးမြှင့်ခဲ့ကြသည်။
ထို့နောက် ကျောင်းအကျိုးတော်ဆောင် ဥက္ကဌ ဦးဇေယျာသန်း က ပညာရည်ချွန်ဆုချီးမြှင့်ပွဲ အောင်မြင်စွာကျင်းပနိုင်ရေးအတွက်ကူညီ ပံ့ပိုးသူများအား ကျေးဇူးတင်စကား ပြန်လည်ပြောကြားခဲ့ကြောင်း သိရသည်။
သတင်း - ထူးနောင် (ဘီးလင်း)
https://t.me/MyanmarNationalPost
No comments:
Post a Comment