တနင်္သာရီတိုင်းဒေသကြီး၊ မြိတ်ခရိုင်၊ ပုလောမြို့နယ်၊ ပလောက်မြို့၊ အမှတ်(၂)ရပ်ကွက်ရှိ တောင်သူ ဦးတွတ်နီ၏ ဝဥစိုက်ခင်းသို့ ယနေ့နံနက်(၉)နာရီအချိန်က ပလောက်မြို့အထွေထွေအုပ်ချုပ်ရေးဦးစီးဌာန ခေတ္တမြို့အုပ်ချုပ်ရေးမှူး၊ လယ်ယာမြေစီမံခန့်ခွဲရေးနှင့် စာရင်းအင်းဦးစီး ဌာနမြို့ဦးစီးမှူး၊ စိုက်ပျိုးရေးဦးစီးဌာန မြို့ဦးစီးမှူး၊ မြို့စည်ပင်သာယာရေးအဖွဲ့ မြို့တာဝန်ခံနှင့် ဝန်ထမ်းများပူးပေါင်း၍ဝဥစိုက်ခင်းသို့ ကွင်းဆင်းဆွေးနွေးအားပေးခဲ့ကြောင်း သိရသည်။
ယခင်က ဝဥ ကို သဘာဝတောတွင်သာ ပေါက်ရောက်ပြီး ယခုအခါ ပြည်ပဈေးကွက်ရရှိလာသည့်အတွက် ဒေသခံတောင်သူများက မိမိတို့၏ဥယျာဉ်ခြံနှင့် ရော်ဘာစိုက်ခင်းများတွင်ကြား သီးနှံအဖြစ် ဝဥကို စီးပွားဖြစ် စိုက်ပျိုးလာကြကြောင်း သိရသည်။ ယခင်က ပြည်တွင်းဈေးကွက် မှာဘဲ့ရောင်းချခဲ့ရပြီး ယခုနှစ်ကစပြီး ပြည်ပဈေးကွက်ချိတ်ဆက် ရောင်းနိုင်လာသည့်အတွက် တောင်သူတွေ စိတ်ဝင်စားမှုများလာပြီး ယခုကဲ့သို့ တိုးချဲ့စိုက်ပျိုးလာတာဖြစ်ကြောင်း တစ်ဧက ကုန်ကျစရတ်အနေနှင့် သိန်း(၅၀)ခန့်ကုန်ကျပြီး၊ တစ်ဧကဝင်ငွေအနေနှင့် သိန်း(၈၀-၁၀၀)အထိရရှိနိုင်ကြောင်း ပလောက်မြို့စိုက်ပျိုးရေးဦးစီးဌာန မြို့ဦးစီးမှူး ဦးသော်ဇင်ထွန်းမှ ပြောကြားခဲ့ကြောင်း သိရှိရသည်။
သတင်း - နှင်းမြူလွင်
မြန်မာနေရှင်နယ်ပို့စ်
No comments:
Post a Comment