MNP - ဇူလိုင် ၆
ပဲခူးတိုင်းဒေသကြီး၊ ပြည်ခရိုင်၊ ရွှေတောင်မြို့နယ်တွင် အသက် (၅) နှစ်မှ (၁၂)နှစ် အတွင်း ရှိ အခြေခံပညာ ကျောင်းသား/ကျောင်းသူများအား ကိုဗစ်-၁၉ ရောဂါကာကွယ်ဆေး ဒုတိယအကြိမ် ထိုးနှံပေးခြင်းကို သရက်တောအထက (ခွဲ)ကျောင်းတွင် ယနေ့ နံနက် ၉ နာရီက ဆက်လက်ထိုးနှံပေးလျက်ရှိကြောင်း သိရသည်။
မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ၏ ကြီးကြပ်မှုဖြင့် မြို့နယ်ပြည်သူ့ကျန်းမာရေးဦးစီးဌာန၊ မြို့နယ်ပညာရေးဌာနတို့ပူးပေါင်း၍ ရွှေတောင်မြို့နယ်အတွင်းရှိ အခြေခံပညာကျောင်းပေါင်း (၁၇၉) ကျောင်းနှင့် ကိုယ်ပိုင်ကျောင်း (၁) ကျောင်းရှိ ကျောင်းသား / ကျောင်းသူများကို ကိုဗစ်-၁၉ ရောဂါ ကာကွယ်ဆေး ဒုတိယအကြိမ် ဆက်လက်ထိုးနှံခြင်းကို ကျောင်းစုရပ်များအလိုက် ကျန်းမာရေးဝန်ထမ်းများမှ ထိုးနှံပေးလျက်ရှိကြောင်း သိရသည်။
အဆိုပါ အခြေခံပညာ ကျောင်းပေါင်း (၁၇၉) ကျောင်းနှင့် ကိုယ်ပိုင်ကျောင်း (၁)ကျောင်းရှိ ကျောင်းသား / ကျောင်းသူများကို ကိုဗစ်-၁၉ ရောဂါ ကာကွယ်ဆေး ဒုတိယအကြိမ် ဆက်လက်ထိုးနှံလျက်ရှိရာ ယမန့်နေ့အထိ ကျောင်းသား / ကျောင်းသူ (၆၄၂၀) ဦး ထိုးနှံပြီး ကြောင်းနှင့်ကျန်ရှိ ကျောင်းသား /ကျောင်းသူ များအား လက်လက်ထိုးနှံပေးခဲ့ကြောင်း မြို့နယ် ပြည်သူ့ကျန်းမာရေးဦးစီးဌာနမှ သိရသည်။
သတင်း - ကိုကိုမင်း
မြန်မာနေရှင်နယ်ပို့စ်
No comments:
Post a Comment