MNP - ဇူလိုင် ၉
ရှမ်းပြည်နယ်(တောင်ပိုင်း) ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ဟိုပုံးမြို့နယ်တွင် စိုက်ပျိုးရေး၊ မွေးမြူရေးနှင့်ဆည်မြောင်းဝန်ကြီးဌာန၊ ရှမ်းပြည်နယ် ငါးလုပ်ငန်းဦးစီးဌာနမှ ငါးရိက္ခာဖူလုံစေရန်၊ လူတစ်ဦးချင်းငါးစားသုံးမှု မြင့်မားလာစေရန်၊ ဒေသတွင်း ငါးသယံဇာတပေါကြွယ်ဝစေရန်၊ တိုင်းရင်းငါးမျိုးများ ပြုန်းတီးခြင်းမှ ကာကွယ်ရန်စသည့် ရည်ရွယ်ချက်များဖြင့် ဇူလိုင်လ ၈ ရက် မွန်းလွဲ ၃ နာရီက ဟန်လွဲကျေးရွာဘုန်းတော်ကြီး ကျောင်းအနီးရှိ နမ့်တဘက်ချောင်း၌ ပအိုဝ်းကိုယ်ပိုင်အုပ်ချုပ်ခွင့်ရဒေသ စီမံအုပ်ချုပ်ရေးအဖွဲ့ဝင်များဖြစ်သည့် ဒုတိယဗိုလ်မှူးကြီး ညီညီတင်နှင့် ဦးခွန်လှသိန်း၊ ရှမ်းပြည်နယ် ငါးလုပ်ငန်းဦးစီးဌာန၊ ညွှန်ကြားရေးမှူး ဦးသော်ထွန်းဦး၊ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးမြင့်ထွန်းနှင့်အဖွဲ့ဝင်များ၊ မြို့နယ်အဆင့်ဌာနဆိုင်ရာများနှင့် ဒေသခံရှမ်းတိုင်းရင်းသားများတို့က ငါးဖိန်း (၅၀၀၀၀)၊ ငါးမျစ်ချင်း (၅၀၀၀၀)၊ ငါးခုံးမ (၅၀၀၀၀) စုစုပေါင်းငါးသားပေါက် ကောင်ရေ (၁၅၀၀၀၀)၊ တန်ဖိုး(၇၅၀၀၀၀ဝိ/-)ခန့် စိုက်ထည့်ခဲ့ကြောင်း သိရသည်။
ယင်းနောက် တာဝန်ရှိသူများတို့သည် ဟန်လွဲကျေးရွာ ဘုန်းတော်ကြီးကျောင်း၌ တစ်ပိုင်တစ်နိုင် ငါးမွေးမြူရေးဖွံ့ဖြိုးတိုးတက်စေရေးအတွက် အလျား ၁၀ ပေ အနံ ၁၀ ပေ၊ အမြင့် ၆ ပေရှိဇာပြာပိုက်လှောင်အိမ် အလုံး၂၀ ပေးအပ်ခဲ့ကြောင်း သိရသည်။
သတင်း - ထက်ထက်
မြန်မာနေရှင်နယ်ပို့စ်
No comments:
Post a Comment