ဂွမြို့နယ်တွင် အသက်(၅)နှစ်မှ(၁၂)နှစ်အတွင်းရှိ ကျောင်းသား၊ ကျောင်းသူများအား ကိုဗစ်-၁၉ ရောဂါကာကွယ်ဆေး ပထမအကြိမ်နှင့် ဒုတိယအကြိမ် ထိုးနှံပေးလျက်ရှိ

MNP ၊ ဇူလိုင် ၆

ရခိုင်ပြည်နယ်၊ သံတွဲခရိုင်၊ ဂွမြို့နယ်အတွင်းရှိ အခြေခံ ပညာကျောင်းများနှင့် ဘုန်းတော်ကြီးပညာသင်ကျောင်းများမှ အသက်(၅)နှစ်မှ(၁၂)နှစ်အတွင်းရှိ ကျောင်းသား၊ကျောင်းသူများကို ယနေ့ နံနက်ပိုင်းက ပထမအကြိမ်နှင့် ဒုတိယအကြိမ် ကိုဗစ်-၁၉ ရောဂါကာကွယ်ဆေး (Sinopharm)ကိုသက်ဆိုင်ရာစုရပ်ကျောင်းများတွင် ထိုးနှံပေးလျက်ရှိသည်။ 

ကာကွယ်ဆေးများ ထိုးနှံပေးရာတွင်  အသက် (၅)နှစ်မှ အသက်(၁၂)နှစ်အထိ ကျောင်းသား/ကျောင်းသူများအား Sinopharm ကာကွယ်ဆေး ပထမအကြိမ်အဖြစ် KGတန်းမှ၉ဦး၊ Grade-1မှ ၅ဦး၊ Grade-2မှ ၉ဦး၊Grade-3မှ ၈ဦး၊ Grade-4မှ ၁၃ဦး၊ Grade-5မှ ၁၀ဦး၊စုစုပေါင်း(၅၄)ဦးနှင့် ဒုတိယအကြိမ် Sinopharm ကာကွယ်ဆေးကို KGတန်းမှ-၂၉ဦး၊ Grade-1မှ ၅၄ဦး၊Grade-2မှ ၄၇ဦး၊ Grade-3မှ ၄၄ဦး၊ Grade-4မှ ၄၂ဦး၊Grade-5မှ ၁၅ဦး၊ Grade-7မှ ၁ဦး၊ စုစုပေါင်း(၂၃၂)ဦးတို့က လာရောက်ထိုးနှံခဲ့ကြောင်းနှင့် ကျန်ရှိသော ကျောင်းသား/သူများကိုသတ်မှတ်ထားသော အခြေခံပညာကျောင်းများရှိ စုရပ်နေရာများ၌ ဆက်လက်ထိုးနှံပေးသွားမည် ဖြစ်ကြောင်း သိရသည်။ 

ထိုသို့ကိုဗစ်-၁၉ရောဂါကာကွယ်ဆေးထိုးနှံရာတွင် မြို့နယ်စီမံအုပ်ချုပ်ရေးအဖွဲ့၏ ဦးဆောင်မှုဖြင့် မြို့နယ်ပြည်သူ့ကျန်းမာရေးဦးစီးဌာနမှ ဝန်ထမ်းများက မြို့နယ်အတွင်းရှိ အသက်(၅)နှစ်မှ အသက်(၁၂)နှစ်အထိ ကျောင်းသား/သူ များအား  ကိုဗစ်-၁၉ရောဂါ ကာကွယ်ဆေးများကို ကျန်းမာရေးဝန်ကြီးဌာနက ထုတ်ပြန်ထားသည့် ကိုဗစ်ရောဂါ ကြိုတင်ကာကွယ်ရေး လမ်းညွှန်ချက်များနှင့်အညီ ထိုးနှံပေးလျက်ရှိပြီး၊ ဆေးထိုးနှံပြီးသည့်သူများကိုမိနစ်(၃၀)ခန့်စောင့်ကြည့်ပြီးမှ ပြန်လည်ထွက်ခွါခွင့်ပြုခဲ့ကြောင်း သိရသည်။

သတင်း - ရွှေရည်ဝင်းကျော်

https://t.me/MyanmarNationalPost