MNP - ဩဂုတ် ၆
တနင်္သာရီတိုင်းဒေသကြီး ထားဝယ်ခရိုင် ကလိန်အောင်မြို့ အမှတ်(၁)ရပ်ကွက်ရှိ ကျေးလက်ကျန်းမာရေးဆေးပေးခန်း၌ ယနေ့ နံနက် ၉ နာရီက မြို့အတွင်းရှိ မွေးကင်းစမှ အသက်(၅)နှစ်ခွဲအရွယ် ကလေးငယ်များအား ပုံမှန်ကာကွယ်ဆေး ထိုးနှံတိုက်ကျွေးခြင်းကို ဆောင်ရွက်ခဲ့ကြောင်း သိရသည်။
ထို့သို့ ပုံမှန်ကာကွယ်ဆေးထိုးနှံဆောင်ရွက်ရာတွင် ရေဖြူမြို့နယ် ကျန်းမာရေးဦးစီးဌာနမှ ဆရာမ ဒေါ်သဲစုဝိုင်းနှင့် ကျန်းမာရေးဝန်းထမ်းများက လစဉ်ပုံမှန်အဖြစ် မြို့ပေါ်ရပ်ကွက်များနှင့် ကျေးရွာများမှမွေးကင်းစမှ အသက်(၅)နှစ်ခွဲအောက် ကလေးငယ်များအား အသက်အရွယ်အလိုက် ဘီစီဂျီ၊ ပြင်းထန်ဝမ်း ပျက်ဝမ်းလျှော၊ ပိုလီယို၊ ပြင်းထန်အဆုတ်ရောင်(ပီစီဗွီ)၊ ဝက်သက်၊ ဂျိုက်သိုး၊ ဆုံဆို့- ကြက်ညှာ-မေးခိုင်-အသည်းရောင်အသားဝါ(ဘီ) ဦးနှောက်အမြှေးအရောင် (ငါးမျိုးစပ်ကာကွယ်ဆေး) စသည့်ကာကွယ်ဆေးများကို ထိုးနှံတိုက်ကျွေးပေးကြကြောင်း သိရသည်။
သတင်း - ခင်ခင်လဲ့
မြန်မာနေရှင်နယ်ပို့စ်
No comments:
Post a Comment