MNP - ဩဂုတ် ၈
မန္တလေး၊ ချမ်းမြသာစည်မြို့နယ်အတွင်းရှိ အခြေခံပညာကျောင်းများတွင် ပညာသင်ကြားလျက်ရှိသော အသက်(၅)နှစ်မှ(၁၂)နှစ်အတွင်း ကျောင်းသား၊ ကျောင်းသူတို့အား ဒုတိယအကြိမ်၊ ကျောင်းအခြေပြု ကိုဗစ်-၁၉ ရောဂါကာကွယ်ဆေးထိုးနှံခြင်းနှင့် သားအိမ်ခေါင်းကင်ဆာကာကွယ်ဆေးထိုးနှံပေးခြင်းကို အောင်သာယာ၊ အမှတ်(၃၆) အ-ထ-က တွင် ယနေ့နံနက် (၉)နာရီအချိန်တွင် စတင်ထိုးနှံခဲ့ကြောင်း သိရသည်။
အဆိုပါ ကာကွယ်ဆေးထိုးနှံမှုတွင် “အသက်(၅)နှစ်မှ (၁၂)နှစ်အတွင်း ကျောင်းသား၊ ကျောင်းသူ များအနက် ကာကွယ်ဆေးထိုးနှံရန်ကျန်ရှိနေသူများအား ဆက်လက်ထိုးနှံပေးခြင်းဖြစ်ကြောင်း နှင့် သားအိမ်ခေါင်းကင်ဆာကာကွယ်ဆေးမှာ အသက်(၉)နှစ်မှ (၁၀)နှစ်အထိ ကျောင်းသူများအားလုံးကို ပထမအကြိမ်ထိုးနှံပေးခြင်းဖြစ်ကြောင်းနှင့် ကျောင်းအနေဖြင့် ကျောင်းသား/သူများ ကိုဗစ်-၁၉ ရောဂါကာကွယ်ဆေးနှင့် သားအိမ်ခေါင်းကင်ဆာကာကွယ်ဆေးကို အသက်အရွယ်အလိုက် အားလုံးထိုးနှံနိုင်ရေးအတွက် ကျန်းမာရေးဌာနနှင့် စဉ်ဆက်မပြတ်ချိတ်ဆက်၍ ဆောင်ရွက်သွားမည်ဖြစ်ကြောင်း “အဆိုပါကျောင်းရှိ ကျောင်းအုပ်ဆရာမကြီးထံမှ သိရှိရသည်။
မြန်မာနေရှင်နယ်ပို့စ်
No comments:
Post a Comment