MNP - ဩဂုတ် ၃၁
မန္တလေးတိုင်းဒေသကြီး၊ မြင်းခြံခရိုင်၊ တောင်သာမြို့နယ်ရှိ တောင်သူများ အဆင်ပြေစေနိုင်ရေးအတွက် နိုင်ငံတော်က အတိုးနှုန်းသက်သာစွာဖြင့် မိုးရာသီစိုက်ပျိုးစရိတ်ချေးငွေများကို ယမန်နေ့က မြန်မာ့လယ်ယာဖွံ့ဖြိုးရေးဘဏ်မှ ဒေသခံတောင်သူများအား ဆက်လက်ထုတ်ချေးပေးလျက်ရှိကြောင်း သိရသည်။
ထိုသို့ စိုက်ပျိုးစရိတ်များ ထုတ်ချေးပေးရာတွင် စပါးစိုက်ပျိုးဧက တစ်ဧကကို ငွေကျပ် (၁၅၀၀၀၀/-) နှုန်း၊ မြေပဲ၊ နှမ်း၊ စိုက်ပျိုးဧက တစ်ဧကကို ငွေကျပ် (၁၀၀၀၀၀/-) နှုန်းဖြင့် (၁၅၉) ဧက စိုက်ပျိုးဧကပေါင်း (၁၅၉) ဧကအတွက် စုစုပေါင်း ငွေကျပ် (၁၅၉) သိန်းကို အေးချမ်းသာအုပ်စု၊ အေးချမ်းသာကျေးရွာရှိ တောင်သူ (၂၁) ဦးအား မြန်မာ့လယ်ယာ ဖွံ့ဖြိုးရေး ဘဏ်မှ ထုတ်ချေးပေးလျက်ရှိကြောင်း သိရသည်။
ကျန်ရှိသည့် တောင်သူများအားလည်း စိုက်ပျိုးစရိတ်ချေးငွေများကို ဆက်လက်ထုတ်ချေး ပေးသွားမည်ဖြစ်ကြောင်း မြန်မာ့လယ်ယာဖွံ့ဖြိုးရေးဘဏ် တောင်သာမြို့နယ်မန်နေဂျာ ဦးသက်ခိုင်ဇော်ထံမှ သိရသည်။
သတင်း - ကျော်မျိုးနိုင်
မြန်မာနေရှင်နယ်ပို့စ်
No comments:
Post a Comment