MNP - သြဂုတ် ၁
ရှမ်းပြည်နယ်(အရှေ့ပိုင်း)၊ တာချီလိတ်ခရိုင်၊ မိုင်းဖြတ်မြို့နယ်၊ မြန်မာနိုင်ငံမူးယစ်ဆေးဝါး ဆန့်ကျင်ရေးအသင်း(တာချီလိတ်)က ကျင်းပပြုလုပ်သည့် ကျန်းမာရေးအသိပညာပေးဟောပြောပွဲကို ယမန်နေ့ မွန်းလွဲ ၁ နာရီခွဲက နားမွန်းကျေးရွာခန်းမဆောင်၌ ကျင်းပပြုလုပ်ခဲ့ကြောင်း သိရသည်။
ရှေးဦးစွာ မြန်မာနိုင်ငံ မူးယစ်ဆေးဝါးဆန့်ကျင်ရေးအသင်း(တာချီလိတ်)မှ နှစ်သိမ့်ဆွေးနွေး ပညာဆွေးပညာပေးသူ ဒေါ်သင်းသင်းလွင်က XIV/AIDS ရောဂါအကြောင်း သိကောင်းစရာ များကို ရှင်းလင်းဟောပြောခဲ့သည်။ ထို့နောက် ဒေါက်တာ ဆိုင်းနူးဂျာက အမျိုးသမီးများတွင် ဖြစ်ပွားတတ်သော သားအိမ်ခေါင်းကင်ဆာရောဂါဖြစ်စေနိုင်သော နည်းလမ်းများ၊ ရောဂါ လက္ခဏာများ၊ ကာကွယ်ရမည့်နည်းလမ်းများနှင့် ကျန်းမာရေးဆိုင်ရာ သိကောင်းစရာများကို ရှင်းလင်းပြောကြားခဲ့သည်။
ဆက်လက်၍ ကျန်းမာရေးအသိပညာပေး လက်ကမ်းစာစောင်များကို ဖြန့်ဝေပေးခဲ့ပြီး ဒေါက်တာဇက်ခွန်မျိုးလတ်၊ ဒေါက်တာ ဆိုင်းနူးဂျာတို့ဦးစီး၍ ကျေးရွာနေပြည်သူ (၆၀)ဦးအား အသည်းရောင်အသားဝါ၊ XIVပိုး ရှိ/မရှိ သွေးဖောက်စစ်ဆေးပေးခဲ့ကြောင်း သိရသည်။
သတင်း - သန်းထွန်းအေး
မြန်မာနေရှင်နယ်ပို့စ်
No comments:
Post a Comment