ပေါင် ဩဂုတ် ၄
မွန်ပြည်နယ်၊ပေါင်မြို့နယ်တွင် တူယှဉ်နွှဲပျော်ဂီတပွဲတော် Seacon -2 ပါဝင်ယှဉ်ပြိုင်နိုင်ရေး ညှိနှိုင်းအစည်းအဝေးကို
ယမန်နေ့ညနေ့ပိုင်းက မြို့နယ်အထွေထွေအုပ်ချုပ်ရေးဦးစီးဌာနရုံးအစည်းအဝေးခန်းမ၌ကျင်းပခဲ့သည်။
အစည်းအဝေးတွင် မြို့နယ်စီမံအုပ်ချုပ်ရေးအဖွဲ့ဥက္ကဌ ဦးထင်လင်းအောင်က မြို့နယ်အဆင့်ကိုယ်စားပြု ယှဉ်ပြိုင်နိုင်ရေး ပြိုင်ပွဲဝင်ဆန်ခါတင်များအား ရွေးချယ်သွားရန် ရွေးချယ်ထားသည့်ပြိုင်ပွဲဝင်အမည်စာရင်းအား ကိုယ်ရေးအချက်အလက်များ ပြည့်စုံစွာဖြည့်စွက်၍ သတ်မှတ်ရက်အရောက်ပေးပို့ကြရန် အမှာစကားပြောကြားသည်။
ဝါသနာရှင် ဦးတင်စိုးမှ သတ်မှတ်အရည်အချင်းရှိသူများအား အသံစမ်းရွေးချယ်သွားမည်ဖြစ်ပြီး လိုအပ်သည့်လေ့ကျင့်မှုများကိုလည်း ကူညီဆောင်ရွက်သွားမည်ဖြစ်ကြောင်းပြောကြားသည်။
ထို့နောက် မြို့နယ်စီမံအုပ်ချုပ်ရေးအဖွဲ့ဝင်များနှင့်ပြန်ကြားရေးနှင့်ပြည်သူ့ဆက်ဆံရေးဦးစီးဌာနတို့မှ ပြိုင်ပွဲဝင်များ အချိန်မီရရှိရေး ကိုဆောင်ရွက်သွားမည်ဖြစ်သည်။
တူယှဉ်နွှဲပျော် ဂီတပွဲတော် ယှဉ်ပြိုင်ရာတွင် အသက်(၁၈)နှစ်ပြည့်ပြီးသူ၊အသက်(၃၀)နှစ်ထက်မကြီးသူ(ပြိုင်ပွဲများတွင် ဆုရရှိဖူးခြင်းမရှိသူ)ဖြစ်ရမည်ဖြစ်ကြောင်းသိရသည်။
မွန်မလေး
https://t.me/MyanmarNationalPost
No comments:
Post a Comment