MNP ၊ စက်တင်ဘာ ၂၆
ရခိုင်ပြည်နယ်၊ ရသေ့တောင်မြို့၌ မြို့နယ်စီမံအုပ်ချုပ်ရေးကောင်စီဥက္ကဌ ဦးနိုင်လင်းထက်က ကြီး ကြပ်၍ ကိုဗစ် -၁၉ ထိန်းချုပ်ရေးနှင့် အရေးပေါ်တုံ့ပြန်ရေးကော်မတီဝင်များ၊ မြို့နယ်ဌာနဆိုင်ရာများ၊ မီးသတ်တပ်ဖွဲ့ဝင်များ၊ လူမှု
ရေးအသင်းအဖွဲ့များ၊ ရပ်ကွက်အုပ်ချုပ်ရေးမှူးများနှင့်ပူးပေါင်း၍ မြို့နယ်အတွင်း ကိုဗစ်-၁၉ ဗီဇပြောင်း အိုမီခရွန်မျိုးစိတ်သစ် BA-5 ကူးစက်ရောဂါမဖြစ်ပွားစေရန် ကြို တင်ကာကွယ်ထိန်း ချုပ်နိုင်ရေး အသိ ပညာပေးခြင်းနှင့်နှာခေါင်းစည်းများအခမဲ့ဖြန့်ဝေခြင်းကို ယနေ့နံနက် ၇ နာရီအချိန်တွင် အများပြည်သူလှုပ်ရှားသွားလာရာ လူစည်ကားရာနေရာများနှင့်ဈေးအတွင်း၌ အသိပညာပေးဆောင်ရွက်ခဲ့သည်။
ယင်းသို့ဆောင်ရွက်ရာတွင် မြို့နယ်အဆင့် ကိုဗစ်-၁၉ ထိန်းချုပ်ရေးနှင့် အရေးပေါ်တုံ့ပြန်ရေးကော်မတီဝင်များပူးပေါင်းအဖွဲ့သည် မြို့မဈေး၊ဈေးရှေ့ လမ်းသွားလမ်းလာ ပြည်သူများ၊ လမ်းမပေါ် ၌ သွားလာလှူပ်ရှားနေကြသည့် မော်တော် ယာဉ်များ၊ ဆိုင်ကယ်များဖြင့် ခရီးသွား ပြည်သူများ၊ မြို့မဈေး အတွင်း ဈေး ရောင်းဈေးဝယ်များအား ကိုဗစ်-၁၉ ဗီဇပြောင်း အိုမီခရွန် မျိုးစိတ်သစ် BA-5 ကူးစက်ရောဂါကာ ကွယ်ထိန်ချုပ်နိုင်ရေး ကျန်းမာရေဝန်ကြီးဌာန၏ လမ်းညွှန်ချက်များနှင့်အညီ နေထိုင်သွားလာကြရန်၊ နေ အိမ် ပြင်ပသို့ထွက်ခွာပါက ပါးစပ်နှင့် နှာခေါင်းစည်း Mask ကို စနစ်တကျ တပ်ဆင်ကြရန်၊ ကိုဗစ်-၁၉ ရောဂါကာကွယ်ဆေး ထိုးနှံမှုများကိုလည်း အကြိမ်ပြည့် မပျက် မကွက် ထိုးနှံကြရန် စသည်တို့ကို အသိ ပညာပေး ပြောကြားပြီး နှာခေါင်းစည်း Mask (၁၅၀၀)ခုအား အခမဲ့ ဖြန့်ဝေပေးခဲ့ပြီး Mask Campaign ကိုစက်တင်ဘာ၁၉ရက်မှစတင်ပြီးအပတ်စဉ် တနင်္လာနေ့များတွင် ပုံမှန်လုပ်သွားမည်ဖြစ်ကြောင်း သိရှိရသည်။
ထွန်းလင်းကျော်
https://t.me/MyanmarNationalPost
No comments:
Post a Comment