MNP ၊ စက်တင်ဘာ ၁၆
သံတွဲမြို့နယ် လူမှုဝန်ထမ်းဦးစီးဌာနမှ ကိုယ်ဆောင်မိခင်များနှင့် အသက်(၂)နှစ်အောက် ကလေးများအား ကိုယ်ဝန်ဆောင်ချိန်မှစ၍ ရက်ပေါင်း(၁၀၀၀)ကာလအတွင်း အာဟာရ ပြည့်ဝစွာ နေထိုင်စားသောက်ပြီး ဉာဏ်ရည်ပြည့်ဝကာ ကျန်းမာကြံ့ခိုင်သော ကလေးများ ဖြစ်လာစေရန်နှင့် မသန်စွမ်းဖြစ်မှုနှုန်း လျော့ကျစေနိုင်ရေးအတွက် နိုင်ငံတော် ထောက်ပံ့ငွေများ ပေးအပ်ခြင်းကို စက်တင်ဘာ ၉ရက်နေ့မှစတင်၍ ယနေ့အထိ သက်ဆိုင်ရာ ရပ်ကွက်/ ကျေးရွာများရှိ စာရင်း ကောက်ခံ ပြီးသူ ကိုယ်ဝန်ဆောင်နှင့် ကလေးငယ်များအား ထောက်ပံ့ပေးအပ်ခဲ့သည်။
ထိုသို့ထောက်ပံ့ပေးအပ်ရာတွင် သံတွဲမြို့နယ် ရှိ ရပ်ကွက်(၈)ရပ်ကွက် ၊ ကျေးရွာအုပ်စု (၅၉)အုပ်စု ငပလီမြို့ရှိ ရပ်ကွက်(၅)ရပ်ကွက် စုစုပေါင်း ရပ်ကွက်/ကျေးရွာ (၇၂)အုပ်စုရှိ စာရင်း ကောက်ခံထားရှိသူ ကိုယ်ဝန်ဆောင်(၆၈၂)ဦး ၊ ကလေး (၂၄၆၉)ဦးရှိသည့်အနက် ကိုယ်ဝန်ဆောင် (၄၇၆)ဦး၊ ကလေး(၁၆၅၀)ဦးအား တစ်ဦးလျှင် တစ်လ (၁၅၀၀ဝိ/-)နှုန်းဖြင့် (၃)လစာ (၄၅၀၀ဝိ/-) နှုန်းဖြင့် ကျပ်သိန်း(၉၁၀၀၀၀၀ဝိ/-) တိတိကို ထောက်ပံ့ပေးနိုင်ခဲ့ပြီး ထောက်ပံ့ပေးရန်ကျန်ရှိ သူများကို ဆက်လက်ထောက်ပံ့ပေးသွာမည်ဖြစ်ကြောင်း လူမှုဝန်ထမ်းဦးစီးဌာနမှသိရှိရသည်။
https://t.me/MyanmarNationalPost
No comments:
Post a Comment