MNP ၊ စက်တင်ဘာ ၂
မွန်ပြည်နယ်၊ သထုံမြို့နယ်၊ ဒုံဝန်းကျေးရွာသို့ ဆွမ်းဆန်စိမ်းအလှူခံကြွရောက်လာသည့် ရွှေညောင်ပင်ပရိယတ္တိစာသင်တိုက်မှ စာသင်သား ရဟန်း၊သာမဏေ သံဃာတော် ၄၀၀ ကျော်တို့အား ယနေ့ နံနက်ပိုင်းက ဒုံဝန်းကျေးရွာ၊ ရတနာဇေယျုံကျောင်းတိုက် ၌ ကျေးရွာနေအလှူရှင်များက ဆွမ်းဆပ်ကပ်လှူဒါန်းပြီး ကျေးရွာနေပြည်သူများက ဆွမ်းဆန်စိမ်းနှင့် လှူဖွယ်များ လောင်းလှူခဲ့ကြကြောင်း သိရသည်။
စာသင်သား သံဃာတော်များအား ဒုံဝန်းကျေးရွာ ရတနာဇေယျုံကျောင်းတိုက်မှ အလှူ ရှင်များက ဆွမ်းဆပ်ကပ်ခြင်းနှင့် ဆွမ်းဆန်တော် ၂၁ အိတ်၊ ဆီ ၁ ပုံးတို့ကို စုပေါင်း လှူဒါန်းခဲ့ပြီး သံဃာတော် ၄၀၀ ကျော်တို့က ကျေးရွာအတွင်း လှည့်လည် အလှူခံတော်မူကြရာ ရပ်ကွက်အသီးသီးမှ ပြည်သူများက ဆွမ်းဆန်တော်နှင့် လှူဖွယ်ပစ္စည်းများကို လောင်းလှူပူဇော်ခဲ့ကြသည်။
သထုံမြို့နယ်၊ ကမာစိုင်ကျေးရွာ၊ ရွှေညောင်ပင်ပရိယတ္တိစာသင်တိုက်တွင် ယခုစာဝါနှစ်၌ စာသင်သား ရဟန်း၊သာမဏေ သံဃာတော် အရှင်သူမြတ် စုစုပေါင်း ၅၀၁ ပါး သီတင်းသုံးကာ ပရိယတ္တိစာပေများကို လေ့လာသင်ယူလျက်ရှိပြီး နှစ်စဉ်ဝါတွင်း လေးလ၌ လဆန်း ၈ ရက်နေ့တိုင်း ဒုံဝန်းကျေးရွာသို့ ဆွမ်းဆန်စိမ်းအလှူခံကြွရောက်လေ့ ရှိကြောင်း သိရသည်။
နဒီ
https://t.me/MyanmarNationalPost
No comments:
Post a Comment