MNP - စက်တင်ဘာ ၂၆
မန္တလေးတိုင်းဒေသကြီး၊ အမရပူရမြို့နယ်၊ သူငယ်တော်ရွာအုပ်စုသူ ငယ်တော်ကျေးရွာ အုပ်ချုပ်ရေးမှူးရုံးတွင် ယမန်နေ့နံနက် ၁၀ နာရီခွဲအချိန်က လူဝင်မှုကြီးကြပ်ရေးနှင့် ပြည်သူ့အင်အားဆိုင်ရာ အမရပူရမြို့နယ်ဦးစီးမှူးရုံးက အိမ်ထောင်စုလူဦးရေစာရင်းနှင့် နိုင်ငံသားစိစစ်ရေးကတ် မရှိသေးသောကျေးရွာသူ၊ ကျေးရွာသားများကိုပန်းခင်း စီမံချက်အဆင့် ၂ ဖြင့် ကွင်းဆင်းဆောင်ရွက်ပေးခဲ့သည်။
ပန်းခင်းစီမံချက်အဆင့်၂ ဖြင့်ဆောင်ရွက်သော အိမ်ထောင်စုလူဦးရေစာရင်းနှင့် နိုင်ငံသားစိစစ်ရေးကတ်ပြား ဆောင်ရွက်ခြင်းနှင့်ပတ်သက်ပြီးဦးစီးအရာရှိဦးတင်ကိုကိုဝင်းက မိမိတို့ဌာနအနေဖြင့် လူမှုဘဝပြည့်စုံဖို့နိုင်ငံသားကတ်ကိုင်ကြစို့ ဆောင်ပုဒ်နှင့်အညီ ဆောင်ရွက်ပေးလျက်ရှိကြောင်း၊ သက်ဆိုင်ရာရပ်ကွက်/ကျေးရွာအုပ်ချုပ်ရေးမှူးမှ စာရင်းပြုစုပြီး မိမိတို့ဌာနကို အိမ်ထောင်စုဇယား၊ မှတ်ပုံတင်လုပ်မည့် သူခွဲခြားပြုစုပြီး လူဦးရေ ၂၀ ဦး ကျော်ရှိနေလျှင် ဌာနအနေဖြင့် မြို့ပေါ်သာမက၊ ကျေးရွာများပါ ကွင်းဆင်းဆောင်ရွက်ပေးနေကြောင်း ပြောကြားသည်။
ယခုသူငယ်တော်ကျေးရွာအုပ်စု၌အသက်(၁၀)နှစ်ပြည့် ကျား(၂၃) မ (၃၁) ဦး ပေါင်း (၅၄) ဦး အသက် (၁၈) နှစ်ပြည် ကျား (၈) ဦး မ (၁၅) ဦး ပေါင်း (၂၃) ဦး ဆောင်ရွက်ပေးနိုင်ခဲ့ပြီး အိမ် ထောင်စု (၂၁)စု မွေးတိုး (၁၄)ဦး သေစာရင်း (၁၂)ဦးအား ဆောsင်ရွက်ပေးနိုင်ခဲ့ကြောင်း သိရသည်။
သတင်း - စိုးသီဟ
မြန်မာနေရှင်နယ်ပို့စ်
No comments:
Post a Comment