MNP - စက်တင်ဘာ ၁
မကွေးတိုင်းဒေသကြီး၊ မကွေးခရိုင် မြို့သစ်မြို့နယ် စည်ပင်သာယာရေးအဖွဲ့မှ ဈေးအတွင်း အဆင့်မြင့်ပျံကျဈေး အဆောက်အဦသစ်ကို ဇူလိုင်လပထမအပတ်မှ စတင်ဆောက်လုပ်လျက်ရှိပြီး ယခုအခါ ရာခိုင်နှုန်းပြည့်ပြီးစီးနေပြီဖြစ်ကြောင်း သိရသည်။
အဆိုပါ အဆောက်အဦသစ်ကို ၂၀၂၂/၂၀၂၃ ဘဏ္ဍာနှစ် တိုင်းဒေသကြီးအစိုးရ ငွေလုံးငွေရင်း ရန်ပုံငွေ (နှစ်ရာခြောက်ဆယ့်လေးသိန်းငါးသောင်း) အကုန်အကျခံ ဆောက်လုပ်ခဲ့ခြင်းဖြစ်ပြီး အလျှားပေ(၁၀၀)၊ အနံ(၁၆)ပေ၊ အမြင့်(၁၀)ပေရှိကာ အခန်း(၂၀)ပါရှိကြောင်း မြို့နယ်စည်ပင်သာယာရေးအဖွဲ့ တာဝန်ရှိသူတစ်ဦးထံက သိရသည်။
ဈေးအဆောက်အဦသစ် ဆောက်လုပ်ပြီးစီးပြီဖြစ်သဖြင့် ဈေးရောင်း၊ ဈေးဝယ်သူများ သန့်ရှင်းသပ်ရပ်စွာဖြင့် ဈေးအရောင်း/အဝယ် ပြုလုပ်နိုင်ကာ ဈေးသန့်ရှင်း သာယာလှပရေးကိုအ ထောက်အကူပြုပေးလာနိုင်တော့မည်ဖြစ်ကြောင်း သိသည်။
သတင်း - သန်းဝင်းထွန်း
မြန်မာနေရှင်နယ်ပို့စ်
No comments:
Post a Comment