MNP ၊ စက်တင်ဘာ ၂၈
မကွေးတိုင်းဒေသကြီးအစိုးရအဖွဲ့ဝန်ကြီးချုပ် ဦးတင့်လွင်သည် အစိုးရအဖွဲ့ဝင်ဝန်ကြီးများနှင့်အတူ မင်းလှမြို့နယ်မှ မိုးလယ်နေကြာသီးသန့်စိုက်ပျိုးသည့် ဒေသခံတောင်သူများအား ဓာတ်မြေဩဇာ ထောက်ပံ့ပေးခြင်းနှင့် မြို့နယ်အဆင့်ဌာနဆိုင်ရာများ၊ ရပ်ကွက်/ကျေးရွာ အုပ်ချုပ်ရေးမှူးများနှင့် တွေ့ဆုံပွဲကို ယမန်နေ့မွန်းလွဲ ၁ နာရီက မင်းလှမြို့နယ်ခန်းမ၌ ကျင်းပခဲ့သည်။
တွေ့ဆုံပွဲတွင် မင်းလှမြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးသန်းထွန်းအောင်က ဒေသဆိုင်ရာ အချက်အလက် များအား ရှင်းလင်းတင်ပြခဲ့သည်။ ထို့နောက် မကွေးတိုင်းဒေသကြီး အစိုးရအဖွဲ့၊ လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီးကျော်ကျော်လင်းက လုံခြုံရေးဆိုင်ရာများ၊ စီးပွားရေးရာဝန်ကြီး ဦးအောင်ချိန်က စီးပွားရေးဆိုင်ရာများ၊ သယံဇာတရေးရာဝန်ကြီး ဦးစိုင်းမြင့်အေးက သယံဇာတရေးဆိုင်ရာများ၊ လူမှုရေးရာဝန်ကြီး ဦးသန့်ဇင်ကိုကိုက လူဦးရေအိမ်ထောင်စုစာရင်း ၆၆/၆နှင့် နိုင်ငံသားစိစစ်ရေးကတ် ပြုလုပ်ပေးနေမှုများအား ရှင်းလင်းပြောကြားခဲ့သည်။ ထို့နောက် ဓာတ်မြေဩဇာ ထောက်ပံ့ပေးအပ်ပွဲ ကျင်းပပြုလုပ်ရာ မကွေးတိုင်းဒေသကြီး ဝန်ကြီးချုပ်နှင့်အစိုးရအဖွဲ့ဝင်ဝန်ကြီးများက မင်းလှမြို့နယ်အတွင်းရှိ ကျေးရွာ ၁၄ ရွာမှ ဒေသခံတောင်သူ ၉၃ ဦးအား မိုးလယ်နေကြာသီးသန့်စိုက်ပျိုးဧက ၁၄၉ ဧကအတွက် ဓာတ်မြေဩဇာထောက်ပံ့ပေးခဲ့သည်။
ဆက်လက်၍ မကွေးတိုင်းဒေသကြီးအစိုးရအဖွဲ့ဝန်ကြီးချုပ်က ဒေသခံတောင်သူအား နှမ်း၊ စပါး၊ နေကြာစိုက်ပျိုးရေးဆိုင်ရာများ၊ ပညာရေးဆိုင်ရာများ၊ ကိုဗစ်-၁၉ရောဂါကြိုတင် ကာကွယ်ရေး ဆိုင်ရာများအား ရှင်းလင်းပြောကြားခဲ့ကြောင်း သိရသည်။
ဇာဇာ(အထက်မင်းလှ)
https://t.me/MyanmarNationalPost
No comments:
Post a Comment