MNP - စက်တင်ဘာ ၂၇
ပြည်ထောင်စုနယ်မြေ၊ နေပြည်တော် လယ်ဝေးမြို့နယ်အတွင်း တစ်မြို့နယ်လုံးလွှမ်းခြုံ နိုင်ရေးအတွက် ယနေ့နံနက်ပိုင်းက ဆေးထိုးစုရပ်များတွင် ကိုဗစ်-၁၉ ကာကွယ်ဆေးများ ဆက်လက်ထိုးနှံပေးလျက်ရှိသည်။
လယ်ဝေးမြို့နယ်အတွင်း ကျောင်းသားကျောင်းသူလေးများ ကိုဗစ်-၁၉ရောဂါ ဖြစ်ပွားမှုမှ ကြိုတင်ကာကွယ်နိုင်ပြီး ကျန်းမာပျော်ရွှင်စွာဖြင့် ပညာသင်ယူနိုင်စေရန်အတွက် ကိုဗစ်-၁၉ ကာကွယ်ဆေးများ ထိုးနှံပေးလျက်ရှိသည်။ လယ်ဝေးမြို့နယ်အတွင်းရှိ ကိုဗစ်-၁၉ ကာကွယ် ဆေးထိုးနှံမှုတွင် အခြေခံပညာကျောင်းများတွင် (၅)နှစ်မှ (၁၂)နှစ်အထိ ကျောင်းသားကျောင်းသူ (၃၃၆၄၅)ဦး၊ (၅)နှစ်မှ (၁၅)နှစ်အထိ ကျောင်းနေပြင်ပ(၇၇)ဦး နှင့် (၁၂)နှစ်မှ (၁၈)နှစ်အထိ ကျောင်းသား၊ ကျောင်းသူ(၂၀၄၆၂)ဦးတို့ကို ဒုတိယအကြိမ် ကိုဗစ်-၁၉ ကာကွယ်ဆေး ထိုးနှံပေးခဲ့ပြီး ကျောင်းသား၊ ကျောင်းသူ(၁၃၅၇၆)ဦး Booster Dose ထိုးနှံပြီးဖြစ်သည်။
ထိုသို့ ကျောင်းသားကျောင်းသူများအား ကိုဗစ်-၁၉ ကာကွယ်ဆေးထိုးနှံရာတွင် မြို့နယ် အထွေထွေအုပ်ချုပ်ရေးဦးစီးဌာနမှ တာဝန်ရှိသူများ၊ ကျန်းမာရေး ဆရာ၊ ဆရာမများ၊ လုံခြုံရေး အဖွဲ့ဝင်များ၊ ကျေးရွာ/ရပ်ကွက်အုပ်ချုပ်ရေးမှူးများ၊ ဆရာဆရာမများနှင့် ကျောင်းသားမိဘများက ကူညီဆောင်ရွက်ပေးလျက်ရှိကြောင်း သိရသည်။၊
မြန်မာနေရှင်နယ်ပို့စ်
No comments:
Post a Comment