MNP - စက်တင်ဘာ ၃၀
မွန်ပြည်နယ် မုဒုံမြို့နယ် ကလော့သော့ကျေးရွာရှိ အခြေခံပညာမူလတန်း (ခရစ်ယာန်ကုန်း)၌ စာသင်ကျောင်းဆောင်အသစ် ဆောက်လုပ်နေမှုကို ယမန်နေ့က တာဝန်ရှိသူများ ကွင်းဆင်းစစ်ဆေးသည်။
ကွင်းဆင်းစစ်ဆေးရာတွင် မုဒုံမြို့နယ် တပ်နယ်မှူး ဒုတိယဗိုလ်မှူးကြီးကျော်ဝင်း၊ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌနှင့်အဖွဲ့ဝင်များ၊ ကော်မတီဝင်များက စာသင်ကျောင်းဆောက်လုပ်ရာတွင် ရေရှည်တည်တံ့ရေး၊ သတ်မှတ်ကာလအတွင်း စံချိန်စံညွှန်းနှင့် အရည်အသွေးပြည့်မီရေး၊ လုပ်ငန်းခွင်ထိခိုက်ဒဏ်ရာရရှိမှု မရှိစေရေးတို့ကို ကြည့်ရှုစစ်ဆေးခဲ့ပြီး လိုအပ်သည်များကို ကျောင်းအုပ်ဆရာမကြီးနှင့် ညှိနှိုင်းဆောင်ရွက် ပေးခဲ့သည်။
အဆိုပါ ကျောင်းဆောင်သစ်သည် ( ၆၀ ပေ × ၃၀ ပေ ) Steel Structure တစ်ထပ် အဆောက်အဦးဖြစ်ပြီး ပြည်နယ်အခြေခံပညာဦးစီးဌာန၏ ၂၀၂၂ - ၂၀၂၃ ဘဏ္ဍာရေးနှစ် ခွင့်ပြုရန်ပုံငွေကျပ် ၄၉ ဒသမ ၉၅ ကျပ်သန်းဖြင့် တင်ဒါအောင်ကုမ္ပဏီမှ တာဝန်ယူဆောက်လုပ်လျက်ရှိရာ ၄၅ ရာခိုင်နှုန်း ပြီးစီးနေပြီးဖြစ်ကြောင်း သိရသည်။
သတင်း - သားငယ်
မြန်မာနေရှင်နယ်ပို့စ်
No comments:
Post a Comment