MNP - အောက်တိုဘာ ၂၇
ဧရာဝတီတိုင်းဒေသကြီး၊ ပုသိမ်ခရိုင်၊ သာပေါင်းမြို့နယ် စိုက်ပျိုးထုတ်လုပ်မှုတိုးတက်မြင့်မားရေးကော်မတီ အစည်းအဝေးကို ယမန်နေ့ နေ့လယ် ၁၁ နာရီခွဲအချိန်က ပြည်အေးခန်းမ၌ ကျင်းပကြသည်။
အစည်းအဝေးတွင် မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးမင်းဧရာထိုက်နှင့် အဖွဲ့ဝင်တို့က ၂၀၂၂ မိုးသီးနှံစိုက်ပျိုး ပြီးစီးမှုအပေါ် စိုက်ပျိုးရေး/လယ်စီအင်း ကွင်းဆင်းဝန်ထမ်းများ စစ်ဆေးဆောင်ရွက်ရန်၊ ၂၀၂၂-၂၀၂၃ ဆောင်းနေကြာစိုက်ပျိုးမည့် တောင်သူများအား မျိုးနေကြာ ပေးအပ်ရန်၊ စိုက်ဘဏ်ချေးငွေရရှိရေး တင်ပြ ဆောင်ရွက်ပေးရန်၊ မြေပြင်ကွင်းဆင်းပြီး စည်းရုံးဟောပြောဆွေးနွေးဆောင်ရွက်ရန်၊ ကော်ဖီစိုက်ပျိုးရန် အတွက် ကျေးရွာအုပ်စု(၁၆)အုပ်စုတွင် (၅)နှစ်စီမံကိန်းအရ (၂၅၀၀)ဧကလျာထားပြီး ၂၀၂၃-၂၀၂၄ မှ စပြီး ၂၀၂၇-၂၀၂၈ ထိ လျာထားတင်ပြဆောင်ရွက်ရန်၊ ဓာတ်မြေသြဇာရရှိမှုအပေါ် စနစ်တကျ ထုတ်ယူဖြန့်ဖြူးပေးရန်တို့ကို ဆွေးနွေးမှာကြားပြီး ကော်မတီဝင်များ ဆွေးနွေးမှုများအား ပေါင်းစပ်ညှိနှိုင်း ဆောင်ရွက်ပေးခဲ့ကြကြောင်း သိရ သည်။
သတင်း - မျိုးဇော်သိန်း
မြန်မာနေရှင်နယ်ပို့စ်
No comments:
Post a Comment