MNP - အောက်တိုဘာ ၂၅
ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ ပုသိမ်ကြီးမြို့နယ် (Community Centre) ခန်းမတွင် ကဗျာရွတ်ပြိုင်ပွဲ၊ ပုံပြောပြိုင်ပွဲ၊ ကျပန်းစကားပြောပြိုင်ပွဲနှင့် စာဖတ်စွမ်းရည်ပြိုင်ပွဲ၊ စာအုပ်ခေါင်းရွက်ပြိုင်ပွဲ၊ စကားလုံးဆက်ပြိုင်ပွဲများကို ယနေ့နံနက် ၁၀ နာရီ ၃၀ မိနစ်အချိန်က စတင်ကျင်းပပြုလုပ်ခဲ့သည်။
ရှေးဦးစွာ ပုသိမ်ကြီးမြို့နယ်၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ဒုတိယဦးစီးမှူးက ပြိုင်ပွဲများကျင်းပရခြင်းမှာ ကျောင်းသား/ကျောင်းသူများအနေနဲ့ ကျောင်းစာအပြင် ပြင်ပဗဟုသုတများစွာရရှိစေခြင်း၊ ဉာဏ်ရည်ဉာဏ်သွေးထက်မြက်လာစေခြင်းများ၊ ကျောင်းသား/ကျောင်းသူများအနေဖြင့် ပြည်သူ့စာကြည့်တိုက်များ၊ ကျောင်းစာကြည့်တိုက်များအား အသုံးပြုတတ်စေရန် အစရှိသည့် ရည်ရွယ်ချက်များနှင့် စည်းမျဉ်းစည်းကမ်းများကို ရှင်းလင်းပြောကြားခဲ့သည်။
ထို့နောက် ပုသိမ်ကြီးမြို့ပေါ်မှ စာကြည့်တိုက်သို့လာရောက်အသုံးပြုနေသော စာဖတ်ပရိသတ်များ၏ ရင်သွေးငယ်များဖြစ်သည့် ကျောင်းသား၊ ကျောင်းသူများက ကဗျာရွတ်ပြိုင်ပွဲ၊ ပုံပြင်ပြောပြိုင်ပွဲ၊ ကျပန်းစကားပြောပြိုင်ပွဲ၊ စာဖတ်စွမ်းရည်ပြိုင်ပွဲ၊ စာအုပ်ခေါင်းရွက်ပြိုင်ပွဲ၊ စကားလုံးဆက်ပြိုင်ပွဲများသို့ ဝင်ရောက်ယှဉ်ပြိုင်ခဲ့ကြပြီး ပြိုင်ပွဲများကို နှစ်ရက်ဆက်တိုက် ပြုလုပ်ကျင်းပသွားမည်ဖြစ်ကြောင်း သိရသည်။
သတင်း - ဇာနည်ကိုကို
မြန်မာနေရှင်နယ်ပို့စ်
No comments:
Post a Comment