MNP - နိုဝင်ဘာ ၁၉
ပြည်သူများအနေဖြင့် နေ့စဉ်လူမှုဘဝ စားသောက်ရေးတွင် အထောက်အကူဖြစ်စေရန်နှင့် အခြေခံ စားသောက်ကုန်များကို ဈေးနှုန်း ချိုသာစွာဖြင့် ဝယ်ယူနိုင်ရန်အတွက် ရည်ရွယ်ကာ ရန်ကုန်တိုင်း ဒေသကြီးအစိုးရအဖွဲ့၏ စီစဉ်ကြီးကြပ်မှုဖြင့် အခြေခံစားသောက်ကုန်များကို ဈေးနှုန်းချိုသာစွာ ရောင်းချပေးလျက်ရှိရာ ယမန်နေ့နံနက် ၈ နာရီအချိန်မှစတင်၍ ကြည့်မြင်တိုင်မြို့နယ်၊ အေးရွာဘလုတ်ညွန့်စက်ကလေးရပ်ကွက်၊ သန္တာလမ်း၌ ရောင်းချပေးလျက်ရှိကြောင်း သိရှိရသည်။
အဆိုပါ အခြေခံစားသောက်ကုန်များအား ရောင်းချရာတွင် ကိုဗစ်-၁၉ ရောဂါ ကာကွယ်ရေး ညွှန်ကြားချက်များနှင့်အညီ လိုက်နာမှုရှိစေရေးနှင့် ပြည်သူများ အဆင်ပြေချောမွေ့စွာ ဝယ်ယူနိုင်ရေးတို့အတွက် မြို့နယ်အထွေထွေအုပ်ချုပ်ရေးဦးစီးဌာန မြို့နယ်အုပ်ချုပ်ရေးမှူး ဦးမျိုးညီညီ ဦးဆောင်သော ဌာနဆိုင်ရာအဖွဲ့များမှ ရပ်ကွက်နေပြည်သူများအား ဆန်၊ ဆီ၊ ကြက်ဥများ ရောင်းချပေးလျက်ရှိကြောင်း သိရသည်။
ကြည့်မြင်တိုင်မြို့နယ်တွင် အခြေခံစားသောက်ကုန်များရောင်းချခြင်းကို ရပ်ကွက်များတွင် အလှည့်ကျ ရောင်းချပေးလျက်ရှိကြောင်း သိရသည်။
သတင်း - ခိုင်ဇာလင်း
မြန်မာနေရှင်နယ်ပို့စ်
No comments:
Post a Comment