MNP ၊ နိုဝင်ဘာ ၁၅
ရခိုင်ပြည်နယ် ၊ မောင်တောမြို့နယ် လသာရပ်ကွက်နေသူတစ်ဦးထံမှ ယမန်နေ့ (၁၄:၃၀)မိနစ် အချိန် စိတ်ကြွရူး သွပ်ဆေးပြားများ ဖမ်းဆီးရမိ ခဲ့ကြောင်းသိရသည်။
ဖြစ်စဉ်မှာ နယ်ထိန်းရဲတပ်ဖွဲ့နှင့်လုံခြုံရေးတပ်ဖွဲ့ဝင်များ ပူးပေါင်းအဖွဲ့သည် မောင်တောမြို့ ၊ လသာရပ်ကွက် နေထိုင်သူ နှစ်ဦးမှာ မူးယစ်ဆေးဝါးရောင်းချနေကြောင်းသတင်းအရ လသာရပ်ကွက်၊ ဘာဇူရွာနေ ဒိလ်ဒါဘေဂေါင်၏ နေအိမ်အား ဝင်ရောက် ရှာဖွေရာ ၎င်းမှာ ထွက်ပြေးတိမ်းရှောင်သွားပြီး နူရ်မာမောက်မှာ ဒိလ်ဒါဘေဂေါင်၏ နေအိမ်အိပ် ခန်းအတွင်းတွေ့ရှိကာ ၎င်းကိုင်ဆောင်ထားသော ပလက်စတစ်အပိုင်းအစ ဗလာစာရွက်ဖြင့် ထုပ်ထားသည့် အပြာရောင် ကပ်ခွာ အိတ်အား အိပ်ခန်းအနီးရှိဖွဲအိတ်အတွင်း သိုဝှက်သိမ်းသည်ကိုတွေ့ရှိသဖြင့် စစ်ဆေးရာ ပလက်စတစ်အပြာရောင် ကပ်ခွာ အိတ်အတွင်း WY/R စာတမ်းပါ အဝါပျော့ရောင် စိတ်ကြွရူးသွပ်ဆေးပြား(၁၄၀)ပြား ၊ အလေး ချိန် (၁၂.၆ ) ဂရမ် ခန့်အား တွေ့ရှိသိမ်းဆည်းရမိခဲ့သည်။
မူးယစ်ဆေးဝါးများ နှင့်အတူ တွေ့ရှိသူ နှင့် ရောင်းချရန် လက်ဝယ် ထားရှိသူ နူရ်မာ မောက်(ကျား) ၊အသက်(၄၉)နှစ် လသာရပ်ကွက် အောက်ရွာနေသူ နှင့် လသာရပ်ကွက် ၊ ဘာဇူရွာနေ ဒိလ်ဒါဘေဂေါင် (မ) (၄၆)နှစ် (ထွက်ပြေးတိမ်းရှောင်) တို့ နှစ်ဦးအား မြို့မရဲစခန်းတွင် မယ(ပ) ၃၉/၂၀၂၂ ၊ မူး/စိတ်ပုဒ်မ ၁၉(က)/၂၁ အရ အမှု ဖွင့် လှစ်ကာ အရေး ယူနိုင်ရေး စီစဉ် ဆောင်ရွက် လျှက် ရှိ ပြီး ထွက်ပြေးတရားခံအား သက်ဆိုင်ရာမှ အမြန်ဆုံး ဖမ်းဆီးနိုင်ရေး စီစဉ် ဆောင်ရွက်လျက်ရှိကြောင်း သိရသည်။
ဝေလ(မောင်တော)
https://t.me/MyanmarNationalPost
No comments:
Post a Comment