MNP - နိုဝင်ဘာ ၂၉
ပဲခူးတိုင်းဒေသကြီး၊ ပဲခူးခရိုင်၊ သနပ်ပင်မြို့နယ်တွင် ယမန်နေ့နံနက် ၉ နာရီအချိန်က အထက(သနပ်ပင်)အခြေခံပညာအထက်တန်းကျောင်း၌ ၂၀၂၂-၂၀၂၃ ပညာသင်နှစ် မြို့နယ်အဆင့်လူရည်ချွန်ရွေးချယ်ရေးစာမေးပွဲ ကျင်းပပြုလုပ်ခဲ့ကြောင်းသိရသည်။
အဆိုပါ လူရည်ချွန်ရွေးချယ်ရေးစာမေးပွဲကို (၂၈-၁၁-၂၀၂၂)ရက်နေ့မှ (၃၀-၁၁-၂၀၂၂)ရက်နေ့ထိ (၃)ရက် ဖြေဆိုရမည်ဖြစ်ပြီး (၂၈-၁၁-၂၀၂၂)ရက်နေ့တွင် မြန်မာစာနှင့် အင်္ဂလိပ်စာ၊ (၂၉-၁၁-၂၀၂၂)ရက်နေ့တွင် အထွေထွေဗဟုသုတနှင့် လူတွေ့နှုတ်မေးနှုတ်ဖြေ၊ (၃၀-၁၁-၂၀၂၂)ရက်နေ့တွင် ကိုယ်ကာယကြံ့ခိုင်မှု ယုံကြည်မှုစစ်ဆးခြင်းဘာသာရပ်တို့ ဖြေဆိုရမည်ဖြစ်သည်။
သနပ်ပင်မြို့နယ်အဆင့်လူရည်ချွန်ရွေးချယ်ရေးစာမေးပွဲအား မြို့နယ်အတွင်းရှိ (၇)ကျောင်းတို့မှ (Grade-11)၊ (Grade-10)၊ (Grade-9) ကျောင်းသား၊ ကျောင်းသူ ကျား(၁၇)ဦး၊ မ(၁၆)ဦး စုစုပေါင်း(၃၃)ဦး ဝင်ရောက်ဖြေဆိုလျက်ရှိကြောင်း သိရသည်။
သတင်း - လှမိုး
မြန်မာနေရှင်နယ်ပို့စ်
No comments:
Post a Comment