MNP - ဒီဇင်ဘာ ၂၉
မကွေးတိုင်းဒေသကြီး၊ ချောက်ခရိုင်၊ ချောက်မြို့တွင် မြို့နယ်မိခင်နှင့်ကလေးစောင့်ရှောက်ရေးအသင်းမှ (၇၅)နှစ်မြောက် စိန်ရတုလွတ်လပ်ရေးနေ့ကို ကြိုဆိုဂုဏ်ပြုသောအားဖြင့် ကလေးများအဝအလှပြိုင်ပွဲကို ယမန်နေ့နံနက်၉နာရီက မြို့နယ်မိခင်နှင့်ကလေးစောင့်ရှောက်ရေးအသင်းရုံးတွင် ကျင်းပပြုလုပ်ခဲ့ကြောင်း သိရသည်။
ပြိုင်ပွဲတွင်မွေးကင်းစ (၃)လမှ အသက်(၁)နှစ်အောက် ကလေးများအား ကိုယ်အလေးချိန်၊ အရပ်၊ ကလေးကျန်းမာမှု၊ ကာကွယ်ဆေးထိုးနှံပြီးစီးမှု၊ ကိုယ်ရေပြားသန့်ရှင်းမှု၊ ကိုယ်ခန္ဓာဖွံ့ဖြိုးမှု၊ အသိဉာဏ်ဖွံ့ဖြိုးမှု၊ ကိုယ်အလေးချိန်ကဒ်ပြားထားရှိမှု စံသတ်မှတ်ချက်များဖြင့် သတ်မှတ်စံချိန်ထက်ကျော်လွန်သော ကလေးငယ်များအား အဝအလှ ပထမ၊ ဒုတိယ၊ တတိယ ဆုများရွေးချယ်၍ ဆုများချီးမြှင့်သွားမည်ဖြစ်ပြီး လာရောက်ယှဉ်ပြိုင်သည့် ကလေးငယ်များအားလုံးကို နှစ်သိမ့်ဆု အဖြစ်အမှတ်တရလက်ဆောင်ပစ္စည်းများ ပေးအပ်သွားမည်ဖြစ်ကြောင်းနှင့် ယနေ့အထိ ယှဉ်ပြိုင်သူကလေးငယ် (၄၃)ဦးရှိကြောင်းသိရသည်။
မိခင်နှင့်ကလေးစောင့်ရှောက်ရေးအသင်းမှ မွေးကင်းစ(၃)လမှ အသက်(၁)နှစ်အောက် ကလေးများအဝအလှပြိုင်ပွဲကို ဒီဇင်ဘာ (၂၇) ရက်နေ့မှဒီဇင်ဘာ (၂၈)ရက်နေ့ထိ(၂)ရက်တာ ကျင်းပခဲ့ပြီး ပြိုင်ပွဲတွင် ဆုရရှိသူများကို (၇၅)နှစ်မြောက်စိန်ရတုလွတ်လပ်ရေးနေ့နံနက်ပိုင်းတွင်း မြို့နယ်မိခင်နှင့်ကလေးစောင့်ရှောက်ရေးအသင်းရုံး၌ ဆုများနှင့် အမှတ်တရလက်ဆောင်ပစ္စည်းများ ပေးအပ်သွားမည်ဖြစ်ကြောင်းသိရသည်။
https://t.me/MyanmarNationalPost
No comments:
Post a Comment