MNP - ဒီဇင်ဘာ ၁
မကွေးတိုင်းဒေသကြီး၊ မကွေးခရိုင်၊ မြို့သစ်မြို့နယ်တွင် အခြေခံမဲစာရင်းများ ပြည့်စုံမှန်ကန်စေရေးအတွက် မြေပြင်လူဦးရေစာရင်း တိုက်ဆိုင်စစ်ဆေးခြင်း လုပ်ငန်းညှိနှိုင်း အစည်းအဝေးကို အမှတ်(၁) အခြေခံပညာအထက်တန်းကျောင်း (ရတနာ)ခန်းမတွင် ယမန်နေ့ကကျင်းပခဲ့ကြောင်း သိရသည်။
အခမ်းအနားတွင် မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးကျော်ဝင်းထက်က အဖွင့်အမှာစကားပြောကြားပြီး၊ မြို့သစ်မြို့နယ်လူဝင်မှုကြီးကြပ်ရေးနှင့် ပြည်သူ့အင်အားဦးစီးဌာန၊ ယာယီမြို့နယဦးစီးအရာရှိ ဦးမောင်မောင်ကြည်က မြေပြင်လူဦးရေစာရင်း တိုက်ဆိုင်စစ်ဆေးခြင်းလုပ်ငန်းနှင့် ပတ်သက်၍ မြေပြင်တွင်ကောက်ယူထားသည့် လူဦးရေစာရင်းများ ဆောင်ရွက်ထားရှိမှု၊ ဌာနဆိုင်ရာများကို ဖွဲ့စည်းတာဝန်ပေးအပ်ထားကြောင်းနှင့် အချိန်မှီပြီးစီးနိုင်ရေး ပူးပေါင်းဆောင်ရွက်သွားမည့်လုပ်ငန်းစဉ်များ၊ မြေပြင်လူဦးရေစာရင်း တိုက်ဆိုင်စစ်ဆေးခြင်းနှင့် အိမ်ထောင်စုလူဦးရေစာရင်း ပုံစံ ၆၆/၆ များ ပြုလုပ်ဆောင်ရွက်ရမည့် လုပ်ငန်းအဆင့်ဆင့်ကို ဆွေးနွေးပြောကြားခဲ့သည်။
အခြေခံမဲစာရင်းများ ပြည့်စုံမှန်ကန်ရေးအတွက် မြေပြင်လူဦးရေစာရင်း တိုက်ဆိုင်စစ်ဆေးခြင်း လုပ်ငန်းညှိနှိုင်းအစည်းအဝေးသို့ ဌာနဆိုင်ရာအကြီးအကဲများနှင့် ရပ်ကွက်ကျေးရွာအုပ်စု အုပ်ချုပ်ရေးမှူးများ၊ စာရေးဝန်ထမ်းများ၊ ကျန်းမာရေးဝန်ထမ်းများ၊ ပညာရေးဝန်ထမ်းများနှင့် ကြက်ခြေနီတပ်ဖွဲ့ဝင်များ တက်ရောက်ခဲ့ကြပြီး သိရှိလိုသည်များကို တင်ပြဆွေးနွေးခဲ့ကြကြောင်း သိရသည်။
သတင်း - သန်းဝင်းထွန်း
မြန်မာနေရှင်နယ်ပို့စ်
No comments:
Post a Comment