MNP - ဒီဇင်ဘာ ၁၄
မန္တလေးတိုင်းဒေသကြီး၊ ညောင်ဦးမြို့နယ်အတွင်းရှိ သောက်သုံးရေလိုအပ်လျက်ရှိသော တောင်ဇင်းအုပ်စု၊ ခွေးပြုတ်ကျေးရွာနှင့် သပြေကန်တဲတိုက်များသို့ ယမန်နေ့နေ့လယ် ၁ နာရီက သောက်သုံးရေဂါလန် ၁၆၀၀ ကို သွားရောက်လှူဒါန်းခဲ့ကြောင်း အေးမေတ္တာ သောက်ရေအလှူ တော်အသင်းအကျိုးတော်ဆောင်များထံက သိရသည်။
ညောင်ဦးမြို့နယ်အတွင်း သောက်သုံးရေလိုအပ်လျက်ရှိသော ကျေးရွာများ၊ တဲ တိုက်များသို့ ရန်ကုန်မြို့ဝေမျှခြင်းပရဟိတမိသားစုမှ သောက်သုံးရေများ နှစ်စဉ်လှူဒါန်းပေးလျက်ရှိရာ ယမန်နေ့က တောင်ဇင်းအုပ်စု၊ ခွေးပြုတ်ကျေးရွာနှင့် သပြေကန်တဲတိုက်တို့သို့ သောက်သုံးရေဂါလန် (၁၆၀၀) လှူဒါန်းပေးခဲ့ခြင်းဖြစ်ပြီး သပြေကန်တဲတိုက်တွင် အိမ်ခြေ (၅၀)ကျော်၊ လူဦးရေ (၂၀၀)ဦးခန့် နေထိုင်လျက်ရှိကြောင်း သိရသည်။
သတင်း - ကိုကြေးမုံ
မြန်မာနေရှင်နယ်ပို့စ်
No comments:
Post a Comment