MNP - ဒီဇင်ဘာ ၂၄
မန္တလေးတိုင်းဒေသကြီး၊ ကျောက်ဆည်ခရိုင်၊ နည်းပညာတက္ကသိုလ်(ကျောက်ဆည်)တွင် ၂၀၂၂-၂၀၂၃ ပညာသင်နှစ် ဆောင်းရာသီ အားကစားပြိုင်ပွဲဖွင့်ပွဲ အခမ်းအနားကို ယမန်နေ့မွန်းလွဲ ၁ နာရီက အဆိုပါကျောင်း အောင်ဆန်းခန်းမ၌ ကျင်းပပြုလုပ်ခဲ့သည်။
ဖွင့်ပွဲအခမ်းအနားကို အားကစားအဓိဌာန်ရွတ်ဆိုဖွင့်လှစ်၍ နည်းပညာတက္ကသိုလ်(ကျောက်ဆည်)မှ ပါမောက္ခချုပ် ဒေါက်တာခင်မောင်ချင်းက လူငယ်များဘက်စုံဖွံ့ဖြိုးတိုးတက်ပြီး ကျန်းမာကြံ့ခိုင်စေရန် အားကစားပြိုင်ပွဲများ ကျင်းပပြုလုပ်ကျင်းဖြစ်ကြောင်း အမှာစကားပြောကြားပြီး အားကစားကော်မတီ ဥက္ကဋ္ဌဒေါက်တာ မင်းသျန်ထွန်းက အားကစားပြိုင်ပွဲများကျင်းပြုလုပ်ခြင်းနှင့် ပတ်သက်၍ ရှင်းလင်းပြောကြားခဲ့သည်။
ဆက်လက်ပြီး အားကစားကော်မတီအဖွဲ့ဝင် ဦးမြင့်သန်းနိုင်က ဘောလုံးအားကစားပြိုင်ပွဲ ကျင်းပရာတွင်လိုက်နာရမည့် စည်းကမ်းချက်များ ရှင်းလင်းပြောကြားခဲ့ပြီး အမှတ်တရစုပေါင်း မှတ်တမ်းဓာတ်ပုံများရိုက်ကူးကာ အားကစားနည်းများအလိုက် အားကစားပြိုင်ပွဲများ ဆက်လက် ကျင်းပပြုလုပ်ခဲ့ကြောင်း သိရသည်။
တင်တင်ထွေး
https://t.me/MyanmarNationalPost
No comments:
Post a Comment